Adobe Photoshop-ը հասանելի է դարձել iPhone-ի համար

Adobe Photoshop-ն այժմ հասանելի է iPhone-ի համար, հայտնել են ընկերությունից:

Այս քայլով ընկերությունը ցանկանում է «պատկերի եւ դիզայնի սիրահարների նոր սերնդին ներկայացնել Photoshop-ի անսահման ներուժը»: Android սարքերի համար նախատեսված տարբերակը նախատեսվում է թողարկել մինչեւ 2025 թվականի վերջ։

Հավելվածն աջակցում է նույն գործիքներին, ինչ վեբ տարբերակը՝ հարմարեցված շարժական սարքերի համար: Այն ներառում է Adobe Firefly-ի AI-ով աշխատող պատկերների խմբագրման գործառույթները, ներառյալ Generative Fill-ը եւ Generative Enhancement-ը: Աջակցություն կա նաեւ Adobe Stock գրադարանի համար:

Հավելվածն անվճար է, բայց կան վճարովի գործառույթներ։ Ընկերությունը ներկայացրել է Photoshop Mobile-ի եւ Web-ի սակագինը ամսական 7,99 դոլարով կամ տարեկան 69,99 դոլարով։ Նոր բաժանորդագրությունը ներառում է բջջային սարքերի լրացուցիչ հնարավորություններ, ինչպես նաեւ ինտեգրում վեբ տարբերակին: Հասանելի է ավելի քան 20 000 տառատեսակ, ընդլայնված մուտք դեպի Firefly գործիքներ, Magic Wand, Clone Stamp, Content-Aware Fill եւ այլն: