Ամենաթեժ AI մոդելները․ ի՞նչ են անում եւ ինչպե՞ս օգտագործել դրանք

Նոր AI մոդելները ստեղծվում են աներեւակայելի արագությամբ եւ վերջին մոդելներին հետեւելը հաճախ կարող է շփոթեցնող լինել։

Դժվար է հասկանալ, թե մարդիկ եւ ընկերություններն ինչպես են իրականում օգտագործում դրանք։ Սա պարզեցնելու համար ներկայացնում ենք 2024 թվականից ի վեր թողարկված ամենաառաջադեմ AI մոդելները՝ մանրամասնելով, թե ինչպես օգտագործել դրանք եւ ինչու են լավագույնը։

Այս պահին գոյություն ունի բառացիորեն ավելի քան մեկ միլիոն AI մոդել։ Օրինակ՝ Hugging Face հարթակում հյուրընկալվում է ավելի քան 1.4 միլիոն մոդել։ Հետեւաբար, ցանկում ներառված են լավագույնները։

2025-ին թողարկված AI մոդելներ

xAI - Grok 3

Grok 3 մոդելն Իլոն Մասկի հիմնած xAI ստարտափի վերջին առաջատար մոդելն է։ Հայտնի է, որ այն գերազանցում է այլ առաջատար մոդելներին մաթեմատիկայի, գիտության եւ կոդավորման ոլորտներում։ Մոդելի օգտագործումը պահանջում է X Premium ($50 ամսական) բաժանորդագրություն։ Համաձայն որոշ ուսումնասիրությունների՝ Grok 2-ը հակված էր ձախ գաղափարախոսությանը, ինչից հետո Մասկը խոստացել էր այն դարձնել «քաղաքականապես ավելի չեզոք»։

OpenAI - o3-mini

Սա OpenAI-ի նորագույն տրամաբանական մոդելն է, որը օպտիմիզացված է STEM առարկաների (կոդավորում, մաթեմատիկա, գիտություն) համար։ Չնայած այն OpenAI-ի ամենահզոր մոդելը չէ, սակայն ընկերությունը նշում է, որ այն ավելի փոքր է եւ զգալիորեն ցածր արժեք ունի։ Հասանելի է անվճար, սակայն ինտենսիվ օգտագործման համար պահանջում է բաժանորդագրություն։

OpenAI - Deep Research

OpenAI-ի Deep Research-ը նախատեսված է խորացված հետազոտությունների համար՝ հստակ հղումներով։ Ծառայությունը հասանելի է միայն ChatGPT-ի ամսական $200 արժեքով Pro բաժանորդագրությամբ։ OpenAI-ը խորհուրդ է տալիս գիտական հետազոտություններից մինչեւ առեւտրային ուսումնասիրություններ կատարելու համար, սակայն հարկ է հիշել, որ AI-ի «հալյուցինացիաների» խնդիրը դեռ առկա է։

Mistral - Le Chat

Mistral-ը ներկայացրել է Le Chat-ի հավելվածային տարբերակները՝ որպես բազմաֆունկցիոնալ AI անձնական օգնական։ Ֆրանսիական ընկերությունը պնդում է, որ Le Chat-ը պատասխաններ է տալիս ավելի արագ, քան որեւէ այլ չատբոտ։ Այն նաեւ ունի վճարովի տարբերակ, որն ապահովում է AFP լրատվական գործակալության թարմացված նորությունները։ Le Monde-ի թեստերը ցույց են տվել, որ Le Chat-ի աշխատանքը տպավորիչ է, սակայն այն ավելի շատ սխալներ է թույլ տալիս, քան ChatGPT-ն։

OpenAI - Operator

OpenAI-ի Operator-ը կարելի է օգտագործել որպես անձնական օգնական, որը կարող է ինքնուրույն կատարել առաջադրանքներ, օրինակ՝ օգնել մթերքներ գնելիս։ Այն նույնպես պահանջում է Pro բաժանորդագրություն։ AI գործակալները մեծ ներուժ ունեն, բայց դեռեւս փորձնական փուլում են։ Washington Post-ի փորձարկումներից մեկի ժամանակ Operator-ն ինքնուրույն որոշել էր պատվիրել 12 ձու եւ վճարել 31 դոլար՝ օգտագործողի բանկային քարտով։

Google - Gemini 2.0 Pro Experimental

Google Gemini-ի շատ սպասված առաջատար մոդելը պնդում է, որ գերազանց է կոդավորման եւ ընդհանուր գիտելիքների ընկալման մեջ։ Այն ունի գերճանաչողական համատեքստային պատուհան՝ 2 միլիոն թոքենով, ինչն օգտակար է մեծ ծավալով տեքստերն արագ մշակելու համար։ Ծառայությունը (առնվազն) պահանջում է Google One AI Premium բաժանորդագրություն՝ $19.99 ամսական արժեքով։

2024-ին թողարկված AI մոդելներ

DeepSeek - R1

Այս չինական AI մոդելը գրավել է Սիլիկոնյան հովիտը։ DeepSeek-ի R1-ը գերազանց է գործում կոդավորման եւ մաթեմատիկայի ոլորտում։ Բաց կոդով լինելու շնորհիվ ցանկացած ոք կարող է տեղայնորեն գործարկել։ Բացի այդ, այն անվճար է։ Սակայն R1-ը ներառում է չինական կառավարության գրաքննությունը եւ կարող է արգելքների բախվել՝ օգտագործողների տվյալները Չինաստան փոխանցելու հնարավորության պատճառով։

Gemini - Deep Research

Deep Research-ը համառոտ ներկայացնում է Google-ի որոնման արդյունքները փաստաթղթի տեսքով՝ պարզ եւ լավ աղբյուրներով փաստարկված։ Ծառայությունն օգտակար է ուսանողների եւ նրանց համար, ովքեր արագ հետազոտական ակնարկ են ցանկանում։ Սակայն դրա որակը չի համեմատվում ռեֆերատների կամ ակադեմիական հոդվածների հետ։ Deep Research-ը նույնպես հասանելի է Google One AI Premium-ի բաժանորդագրությամբ։

Meta - Llama 3.3 70B

Սա Meta-ի բաց կոդով Llama AI մոդելների ամենավերջին եւ առաջադեմ տարբերակն է։ Meta-ն ներկայացրել է այն որպես իր ամենաէժան եւ արդյունավետ մոդել՝ հատկապես մաթեմատիկայի, ընդհանուր գիտելիքների եւ հրահանգների կատարման համար։ Այն անվճար է եւ բաց կոդով։

OpenAI - Sora

Sora-ն մոդել է, որը տեքստի հիման վրա ստեղծում է իրականությանը մոտ տեսանյութեր։ Այն կարող է գեներացնել ամբողջական տեսարաններ եւ ոչ միայն հատվածներ, սակայն OpenAI-ն ընդունում է, որ հաճախ այն ստեղծում է իրականությանը չհամապատասխանող եւ ֆիզիկայի օրենքներին հակասող տեսանյութեր։ Sora-ն ներկայում հասանելի է միայն ChatGPT-ի վճարովի տարբերակներում, սկսած Plus պլանից ($20 ամսական)։

Alibaba - Qwen QwQ-32B-Preview

Այս մոդելը որոշ արդյունաբերական չափորոշիչներով մրցում է OpenAI-ի o1-ի հետ, հատկապես մաթեմատիկայի եւ կոդավորման ոլորտում։ Սակայն, հակառակ «տրամաբանության մոդել» անվան, Alibaba-ն նշում է, որ այն ունի խելամիտ մտածողության բարելավման կարիք։ Ներառում է չինական կառավարության գրաքննությունը։ Այն անվճար է եւ բաց կոդով։

Anthropic - Computer Use

Claude-ի Computer Use-ը նախատեսված է ձեր համակարգչի կառավարումն իր վրա վերցնելու համար՝ կատարելով կոդավորման, ավիատոմսերի ամրագրման եւ նմանատիպ այլ առաջադրանքներ։ Այն համարվում է OpenAI-ի Operator-ի նախահայրը։ Computer Use-ը դեռեւս բետա փուլում է։ Գնագոյացումը կատարվում է API-ով՝ 0.80 դոլար մեկ միլիոն մուտքային թոքենի համար եւ 4 դոլար մեկ միլիոն ելքային թոքենի համար։

x.AI - Grok 2

Grok 2 չատբոտը x.AI-ի Grok-ի կատարելագործված տարբերակն է, որն, ըստ ընկերության, երեք անգամ ավելի արագ է նախորդ թողարկվածից։ Անվճար օգտատերերն սահմանափակվում են յուրաքանչյուր երկու ժամը մեկ 10 հարցով, մինչդեռ X-ի Premium եւ Premium+ բաժանորդները կարող են օգտվել ավելի մեծ ծավալով։ x.AI-ը նաեւ թողարկել է Aurora պատկերների գեներացնող մոդելը, որը ստեղծում է չափազանց ռեալիստիկ պատկերներ, այդ թվում՝ երբեմն կոշտ կամ բռնի բովանդակությամբ։

OpenAI - o1

OpenAI-ի o1 ընտանիքը նախատեսված է ավելի որակյալ պատասխաններ տալու համար՝ «մտածելով» պատասխանների վերաբերյալ ներքին տրամաբանական գործընթացի միջոցով։ Ընկերությունը պնդում է, որ մոդելը գերազանց է կոդավորման, մաթեմատիկայի եւ անվտանգային հարցերում, սակայն երբեմն մոլորեցնում է մարդկանց։ O1-ը օգտագործելու համար անհրաժեշտ է բաժանորդագրվել ChatGPT Plus-ին ($20 ամսական)։

Anthropic - Claude Sonnet 3.5

Claude Sonnet 3.5-ը Anthropic-ի կողմից ներկայացվում է որպես իր դասի լավագույն մոդելը։ Այն հատկապես հայտնի է կոդավորման ոլորտում եւ համարվում է տեխնոլոգիական փորձագետների նախընտրելի չատբոտը։ Մոդելից կարելի է օգտվել անվճար Claude-ում, սակայն ակտիվ օգտատերերը պետք է ունենան Pro բաժանորդագրություն՝ $20 ամսական արժեքով։ Այն կարող է հասկանալ պատկերներ, սակայն չի կարող գեներացնել դրանք։

OpenAI - GPT 4o-mini

OpenAI-ը GPT 4o-mini-ն ներկայացրել է որպես իր ամենաէժան եւ ամենաարագ մոդել։ Այն նախատեսված է տարբեր տեսակի առաջադրանքների համար, ներառյալ հաճախորդների սպասարկման չատբոտերի ապահովումը։ Մոդելն առկա է ChatGPT-ի անվճար տարբերակում։ Այն ավելի հարմար է մեծ ծավալով պարզ առաջադրանքների համար, քան բարդ խնդիրների լուծման։

Cohere - Command R+

Cohere-ի Command R+ մոդելը գերազանց է ընդլայնված որոնման տեղեկատվության ստեղծում (Retriеval-Augmented Generation - RAG) կիրառություններում՝ ձեռնարկությունների համար։ Դա նշանակում է, որ այն կարող է գտնել եւ մեջբերել հատուկ տեղեկատվություն։ (RAG-ի ստեղծողը հենց Cohere-ում է աշխատում։) Այնուամենայնիվ, RAG-ը լիովին չի լուծում AI-ի «հալյուցինացիաների» խնդիրը։