photo © STAN

STAN-ը հայտնել է երեք ստարտափում նոր ներդրումների մասին

Գիտության եւ տեխնոլոգիաների հրեշտակների ցանցը (STAN) հայտնել է հայկական BrandLens, TACTUN եւ Denovo Sciences ստարտափներում ներդրումների մասին։

BrandLens-ը բովանդակության համատեղ ստեղծման հարթակ է, որը բրենդներին հնարավորություն է տալիս պարզեցնել կարճ տեսանյութերի ստեղծումը:

TACTUN-ն առանց կոդերի ծրագրային հարթակ է, որը թույլ է տալիս տիրույթի փորձագետներին նախագծել բարդ մեքենաներ՝ առանց էլեկտրոնային կամ ծրագրային ապահովման ճարտարագիտական փորձաքննություն պահանջելու:

Denovo Sciences-ը խորը տեխնոլոգիական ընկերություն է, որը ստեղծում է նոր թերապեւտիկ միջոցներ եւ փոխակերպում դեղերի հայտնաբերումը` օգտագործելով արհեստական բանականության տեխնոլոգիաներ: