Հայկ Մամաջանյանը կխոսի ստարտափների եւ ներդրողների իրավական հարցերի մասին

Փետրվարի 29-ին FAST հիմնադրամի գրասենյակում STAN-ի հրեշտակ ներդրող Հայկ Մամաջանյանը կկիսվի իր փորձով ու գիտելիքով ստարտափների եւ ներդրողների իրավական հարցերի մասին։

Նա կներկայացնի ԱՄՆ-ում վենչուրային ֆոնդերի եւ M&A գործարքների ներկայիս իրավիճակը:

Հայկ Մամաջանյանը ներգրավված է բազմաթիվ ընթացիկ VC գործարքներում: Նա հիմնադիր եւ կառավարող փաստաբանն է HVM իրավաբանական ընկերությունում, որի գլխամասային գրասենյակը տեղակայված է Լոս Անջելեսում։ Հայկը ստացել է իրավագիտության բակալավրի աստիճան Կալիֆորնիայի համալսարանի (UCLA) իրավունքի դպրոցում, Օքսֆորդի համալսարանում եւ Հայաստանի ամերիկյան համալսարանում։

Հանդիպմանը մասնակցելու համար տեղերը կարող եք ամրագրել այստեղ։