Իլոն Մասկի xAI-ը ներկայացրել է Grok նեյրոցանցը

Իլոն Մասկի xAI-ը ներկայացրել է Grok նեյրոնային ցանցը՝ X սոցիալական ցանցում «փշոտ» հարցերին հումորով պատասխանելու համար:

Grok-ը լեզվի մոդել է, որը կարող է տեքստ ստեղծել ըստ պահանջի եւ պատասխանել հարցերին իրական ժամանակում X-ի միջոցով: Մշակողները պնդում են, որ ծառայությունը կպատասխանի նաեւ «թեժ» հարցերին, որոնք արգելափակված են AI համակարգերի մեծ մասի կողմից:

Grok-ն արհեստական ինտելեկտ է, որը մոդելավորվել է ձեզ անհրաժեշտ գրեթե ամեն հարցի պատասխանելու համար եւ նույնիսկ առաջարկելու նորերը:

Grok-ի նկարագրությունում նշված է, որ այն ունի «ըմբոստ հակումներ եւ եթե ատում եք հումորը, ապա մի օգտագործեք այն»:

xAI-ն մոդելի վրա աշխատել է չորս ամիս։ Թիմը հրապարակել է թեստերի արդյունքները՝ համեմատած այլ ընդլայնված լեզվական մոդելների (LLM) հետ։ GSM8k-ը ավագ դպրոցի մաթեմատիկական խնդիրներն են, MMLU-ն տարբեր թեմաների վերաբերյալ բազմակի ընտրության հարցեր են, HumanEval-ը՝ Python կոդերի լրացման խնդիրներ, իսկ MATH-ը՝ մաթեմատիկական խնդիրներ ավագ եւ միջին դպրոցի համար: