The Gurus բիոտեխնոլոգիական ընկերությունը նոր մասնաճյուղ է բացում Գյումրիում

Գյումրու տեխնոլոգիական կենտրոնում The Gurus բիոտեխնոլոգիական ընկերությունը նոր մասնաճյուղ կբացի։

The Gurus-ը հիմնադրվել է 2019 թվականին, աշխարհահռչակ դեղագործական ընկերություններին մատուցում է վիճակագրական ծրագրավորման (Statistical Programming), կլինիկական տվյալների մշակման (Clinical Data Management), բիոստատիստիկայի (Biostatistics) ծառայություններ։ 2020-ից ընկերությունը հանդիսանում է SAS Silver Partner։

Այն ունի մոտ 100 աշխատակից: 2020-ին մասնաճյուղ է բացել Վանաձորում, իսկ 2022-ին՝ Իջեւանում, որտեղ ավելի քան 30 աշխատատեղ է ստեղծվել։ Գյումրիում եւս նախատեսվում է ունենալ 30 աշխատատեղ 1 տարվա ընթացքում։

Աշխատակիցների համալրումը կազմակերպվում է անվճար դասընթացների միջոցով։ Օգոստոսի 15-ից ընկերությունը կանցկացնի անվճար դասընթաց 4 քաղաքում։

Դասընթացների բոլոր մանրամասները հասանելի են այստեղ։