ՀՀ բարձր տեխնոլոգիական արդյունաբերության նախարարությունը հայտարարում է 2023թ. դեկտեմբերի 4-7-ը կայանալիք EDEX 2023 պաշտպանական եւ անվտանգային տեխնոլոգիաների միջազգային ցուցահանդեսին մասնակցության հայտերի ընդունման մեկնարկի մասին:
Եգիպտոսի մայրաքաղաք Կահիրեում անցկացվելիք ցուցահանդեսին բացի պաշտպանական եւ անվտանգային ոլորտում գործունեություն ծավալող կազմակերպություններից, կարող են մասնակցել նաեւ բարձր տեխնոլոգիական ոլորտի այն կազմակերպությունները, որոնք հնարավորություն ունեն ընդլայնել իրենց գործունեությունը նշյալ բնագավառում:
Նախարարությունը, հայկական ոլորտային ընկերությունների հետ, ցուցահանդեսին կմասնակցի միասնական տաղավարով՝ ներկայացնելով պաշտպանական եւ անվտանգային ոլորտներում կազմակերպությունների կողմից առաջարկվող լուծումները:
Ցուցահանդեսին մասնակցելու համար անհրաժեշտ է լրացնել հայտն այստեղ։ Վերջնաժամկետը հուլիսի 30-ն է:
ՀՀ ԲՏԱՆ-ը հոգում է միայն տաղավարի վարձակալության, կառուցապատման եւ ցուցահանդեսի մուտքի ապահովման ծախսերը: Ցուցահանդեսի բոլոր մանրամասներին ծանոթանալ կարող եք այստեղ։
15:22 | 26.06.23 |
Նորություններ
Երեւանում 1-ին անգամ անցկացվել է BSides կիբերանվտանգության ոչ ֆորմալ համաժողովը
15:22 | 23.06.23 |
Նորություններ
Ucom-ում զեղչվել է ի սկզբանե մատչելի Samsung Galaxy A13-ը
