Միջազգային հեղինակավոր երկու հեջ-ֆոնդ գրասենյակ է բացել Երեւանում

Միջազգային շուկայում ճանաչված Teza Capital Management եւ WorldQuant հեջ-ֆոնդերը գրասենյակներ են բացել Երեւանում։

Երեւանում այս ընկերությունների գրասենյակ բացելը պայմանավորված է ռուս-ուկրաինական հակամարտությամբ։ Թիմերը ռելոկացվել են Հայաստան՝ տարածաշրջանի երկրների տաղանդներին հասանելիությունը պահպանելու նպատակով, հայտնում է Bloomberg-ը։

Teza Technologies-ը նորարարական քանակական ակտիվների կառավարման ընկերություն է, որը հիմնադրվել է 2009 թվականին Միշա Մալիշեւի կողմից։ Ընկերության աշխատակիցները բաշխված են Օսթինում, Նյու Յորքում, Չիկագոյում, Շանհայում, Լոնդոնում եւ Երեւանում գտնվող գրասենյակներում:

WorldQuant-ը գլոբալ քանակական ակտիվների կառավարման ընկերություն է, որի ակտիվները կառավարվում են ավելի քան 7 միլիարդ դոլար: 2007 թվականին այն հիմնադրել է

Իգոր Տուլչինսկին։ Ընկերությունն ունի ավելի քան 900 աշխատակից՝ տարածված 24 համաշխարհային գրասենյակի միջեւ:

Հայաստանյան գրասենյակների աշխատակիցների մի մասը տեղափոխվել է Ռուսաստանի գրասենյակներից: Ընկերություններն այժմ աշխատակիցներ են ներգրավում նաեւ Հայաստանում: