17:43 | 14.02.23 | Նորություններ | 1060

Microsoft-ը AI կներդնի Word-ում, PowerPoint-ում եւ Outlook-ում

Microsoft-ը մոտ ապագայում ծրագրում է ներդնել արհեստական բանականությունը Word-ում, PowerPoint-ում եւ Outlook-ում։

Microsoft-ի գործադիր տնօրեն Սաթյա Նադելան մտադիր է ինտեգրել նեյրոնային ցանցի տեխնոլոգիաները ընկերության բոլոր ծրագրային պրոդուկտներում, գրում է The Verge-ը։

Շուտով ընկերությունը պատրաստվում է մանրամասն խոսել նոր Prometheus AI-ի եւ այն գործառույթների մասին, որոնք նեյրոնային ցանցը թույլ կտան իրականացնել Office հավելվածներում։

The Information-ն ավելի վաղ հայտնել էր, որ Outlook-ում նեյրոնային ցանցը կարող է օգտագործվել որոնման գործառույթները բարելավելու եւ էլ․ նամակներին արագ պատասխաննելու համար, Word-ում էլ՝ օգտատերերի տեքստերը բարելավելու նպատակով:

Microsoft-ը նաեւ ցանկանում է ներդնել նեյրոնային ցանցը PowerPoint-ում՝ գրաֆիկներ եւ գծապատկերներ ստեղծելու համար: Սա Bing-ի նոր հնարավորությունների տրամաբանական շարունակությունն է. ընկերության որոնողական համակարգն արդեն կարող է ստեղծել աղյուսակներ եւ գրաֆիկներ՝ օգտագործելով AI-ը։