16:08 | 19.10.22 | Նորություններ | 1729

Apple-ը ներկայացրել է iPad Pro-ի նոր մոդելներ

Apple-ը ներկայացրել է երկու iPad Pro 11 եւ 12,9 դյույմ անկյունագծով էկրաններով։ Առաջինը IPS պանելով (2388 × 1668 պիքսել), իսկ երկրորդը՝ մինի-LED մատրիցով (2732 × 2048 պիքսել):

Երկուսն էլ ստացել են M2 չիպ, պրոցեսորը 15%-ով ավելի հզոր է, քան նախորդը։ Գրաֆիկական կատարողականությունն աճել է 35%-ով:

photo © Apple


M2 չիպը նաեւ ապահովում է հիշողության միասնական թողունակություն՝ 100 ԳԲ/վ, 50%-ով ավելի, քան M1-ը, եւ աջակցում է մինչեւ 16 ԳԲ արագ միավորված հիշողություն:

iPadOS 16-ով եւ 2-րդ սերնդի Apple Pencil-ով նոր iPad Pro-ն օգտատերերին կառաջարկի էկրանի փոխազդեցության միանգամայն նոր հարթություն: Ստիլուսն այժմ ճանաչվում է էկրանից մինչեւ 12 մմ բարձրության վրա, ինչը թույլ է տալիս օգտվողներին նախադիտել իրենց նշումները նախքան այն ավելացնելը: Այն նաեւ թույլ է տալիս ուրվագծել եւ նկարազարդել ավելի մեծ ճշգրտությամբ:

photo © Apple


Աջակցություն կա նաեւ Wi-Fi 6E-ին՝ մինչեւ 2,4 Գբ/վ ներբեռնման արագությամբ, ինչը 2 անգամ ավելի արագ է, քան նախորդ սերնդինը։ Իսկ 5G-ով Wi-Fi + բջջային մոդելներն այժմ աջակցում են ավելի շատ 5G ցանցեր ամբողջ աշխարհում:

Հետեւի տեսախցիկները ստացել են 12 ՄՊ սովորական եւ 10 ՄՊ լայնանկյուն հնարավորություններ: Գործում է նաեւ LiDAR, Face ID, Thunderbolt եւ չորս բարձրախոսով ձայնային համակարգ:

photo © Apple


Apple-ի կայքում պլանշետները հնարավոր է պատվիրել հոկտեմբերի 18-ից, իսկ Apple Store-ում կսկսեն հայտնվել հոկտեմբերի 26-ից։ 11 դյույմանոց iPad Pro-ի արժեքը կկազմի 799 դոլար, իսկ 12,9 դյույմանոց տարբերակը՝ 1099 դոլար: