Վիվա-ՄՏՍ-ի աջակցությամբ Չինարիում ատամնաբուժական անվճար ծառայություն կկմատուցվի

Վիվա-ՄՏՍ-ից հայտնել են, իրենց աջակցությամբ՝ Չինարիում մեկնարկել է ատամնաբուժական ծառայությունների պիլոտային ծրագիրը, որի համար Վիվա-ՄՏՍ-ը ներդրել է 5 միլիոն դրամ:

«Աթենաս» բարեգործական հիմնադրամի ներկայացուցիչները շրջայցով եղել են գյուղում եւ գնահատել կարիքները:

«Գործընկերների նպատակը սահմանին ապրողների կողքին լինելն է: Անհրաժեշտ նոր սարքավորումներ եւ նոր աթոռ տեղադրելուց հետո, Չինարիում ատամնաբուժական անվճար ծառայություն կմատուցվի»,- ասված է ընկերության հաղորդագրությունում:

Ընթացիկ տարում գործընկեր կազմակերպությունները նախատեսել են ատամնաբուժական անվճար ծառայություն մատուցել Տավուշի մարզի երկու գյուղում:

Հաջորդ գյուղը կընտրվի մեկ այլ շրջայցով՝ կարիքների գնահատման փուլից հետո: