16:08 | 25.07.22 | Նորություններ | 1346
Հայաստանում կստեղծվի արվեստների, արհեստների ու տեխնոլոգիաների առաջին դպրոցը
Հայաստանում կստեղծվի արվեստների, արհեստների ու տեխնոլոգիաների առաջին դպրոցը՝ Փարաքար համայնքում Գյումրիի Տեղեկատվական Տեխնոլոգիաների Կենտրոնի ղեկավարությամբ (ԳՏՏԿ) եւ բարերար Նշան Կարայանի ֆինանսական աջակցությամբ:
ԳՏՏԿ գլխավոր տնօրեն Ամալյա Եղոյանի խոսքով՝ դպրոցի գլխավոր առաքելությունը լինելու է միջմարզային համագործակցությունն ու երիտասարդների համախմբումը։
«Այստեղ հանգստյան օրերին մենտորների օժանդակությամբ տեխնոլոգիական արտադրանքներ են ստեղծելու աշակերտներ՝ Հայաստանի բոլոր մարզերից: Կարծում եմ՝ այս ծրագրի իրագործումը եւս մեկ մեծ քայլ է՝ ուղղված Հայաստանում Բարձր Տեխնոլոգիաների ոլորտի ապակենտրոնացմանը դեպի մարզեր եւ երիտասարդներին վաղ տարիքից ոլորտ ներգրավելուն»,- նշել է Ամալյա Եղոյանը՝ հավելելով, որ դպրոցում թվային հմտությունները կիրառվելու են նաեւ ոչ թվային ոլորտներում:
