Armenian Code Academy կրթական կենտրոնը ընդլայնում է իր աշխարհագրությունը եւ նոր մասնաճյուղ է բացում Վանաձորում։
«Մենք գալիս ենք Վանաձոր՝ բացահայտելու մարզաբնակ երիտասարդության ներուժը։ Մեր նպատակն է խթանել մարզային կրթությունը, պատրաստել մրցունակ կադրեր, ովքեր կծառայեցնեն իրենց գիտելիքները համայնքի զարգացմանը»,- նշված է ACA-ի ֆեյսբուքյան էջի հայտարարությունում։
Armenian Code Academy-ն հիմնադրվել է Երեւանում 2015 թվականին։ Կենտրոնն առաջարկում է ծրագրավորման դասընթացներ, նաեւ տեխնիկական մասնագիտություններ սովորելու կրթական ծրագրեր՝ նախատեսված ինչպես սկսնակների, այնպես էլ փորձառու մասնագետների համար։
