Երիտասարդ նորարարների համար նախատեսված հաքաթոնն ընդունում է հայտեր

«Երիտասարդ Նորարարներ – Ապագա Առաջնորդներ» վիրտուալ հաքաթոնն ընդունում է մասնակցության հայտեր:

Նպատակը՝ խթանել երիտասարդների շրջանում ձեռներեցությունը։ Մասնակից թիմերին հնարավորության կունենան Հայաստանում տնտեսական խնդիրների լուծմանն ուղղված ինժեներական և տեխնոլոգիական գաղափարներ գեներացնել։

Հաքաթոնին կարող են մասնակցել 16-22 տարեկան ավագ դպրոցի կամ քոլեջի սաները, որոնք ունեն տեխնոլոգիական հիմնական հմտություններ, նորարար են, սիրում են թիմային աշխատանքն ու պատրաստ են համագործակցել ՀՀ այլ մարզերի երիտասարդների հետ:

3 հաղթող թիմեր կստանան տեխնոլոգիական նվերներ, ինչպես նաև հմտությունների զարգացման դասընթացներին անվճար մասնակցելու հնարավորություն, իսկ գլխավոր հաղթող թիմին սպասվում է անակնկալ մրցանակ:

Դիմող թիմի ( թիմում 4-5 անդամ) գաղափարի հիմքում պետք է լինի Հայաստանի առաջնային ոլորտների (գյուղատնտեսություն, անասնապահություն, զբոսաշրջություն, թեթև արդյունաբերություն և այլն) զարգացումն ու հզորացումը:
 
Դիմելու վերջնաժամկետը մայիսի 15-ն է, գրացման հայտը հասանելի է այստեղ:

Հաքաթոնն անցկացվում է EU4B ITTD ծրագրի աջակցությամբ՝ Գյումրիի Տեղեկատվական Տեխնոլոգիաների Կենտրոնի (ԳՏՏԿ) հետ համատեղ։