Երեւանում կանցկացվի «Էներջի Սիթի» հաքաթոն

Երեւանի քաղաքապետարանում տեղի կունենա «Էներջի Սիթի» հաքաթոն՝ Երեւանի կայուն էներգետիկ զարգացման լուծումներ գտնելու համար։

Էներգիայի շաբաթվա շրջանակում անցկացվող հաքաթոնին կարող են մասնակցել է 18-35 տարեկան նորարարներ, գործարար մտածողություն ունեցող ստեղծագործ մարդից, ծրագրավորման եւ տվյալների վերլուծության հմտություններ ունեցող երիտասարդներ, ինժեներներ, երիտասարդ գիտնականներ։ Այս մասին հայտնել են Երեւանի քաղաքապետարանից

Միջոցառման նպատակն է՝

•    քաղաքում նախապես ընտրված թիրախային համարվող ոլորտներում բարեփոխումներ իրականացնելու նպատակով օպտիմալ եւ նորարար լուծումների առաջարկումը,
•    համայնքային խնդիրների լուծման գործում երիտասարդների մասնակցության ապահովումը,
•    նոր հմտություններ ձեռք բերելու հնարավորությունը,
•    քաղաքային միջավայրի բարելավման միջոցառումների վերաբերյալ իրազեկվածության մակարդակի բարձրացումը:

Առանձնացված թիրախային ոլորտներն են՝

•    քաղաքային կանաչ լուծումներ,
•    «կանաչ» տրանսպորտ,
•    էներգախնայողությունը՝ քաղաքային տնտեսությունում,
•    վերականգնվող էներգիայի օգտագործումը քաղաքային տնտեսությունում,
•    աղբի կառավարում,
 
Սահմանված ժամանակահատվածում մասնակիցները պետք է մշակեն կլիմայական մարտահրավերին առնչվող լուծումներ։ Լավագույն լուծումներ առաջարկած թիմերը հնարավորություն եւ աջակցություն կստանան՝ զարգացնելու իրենց գաղափարներն ու դրանք կիրառելու քաղաքում:

Մրցանակներ նախատեսվում են երկու անվանակարգերում՝ «Լավագույն լուծում», «Լավագույն նորարարական» լուծում:

Հաքաթոնը տեղի կունենա հոկտեմբերի 27-ին՝ ժամը 10:00-22:00-ն:

Մասնակիցները պետք է ներկայանան իրենց համակարգիչներով: Հաքաթոնին մասնակցելու համար անհրաժեշտ է գրանցվել հետեւյալ հղումով: