Պատվաստանյութեր արտադրող Moderna-ի ներդրող Flagship Pioneering ընկերությունը հայտնել է, որ նոր ֆոնդի համար հավաքագրել է 3,4 միլիարդ դոլար, հաղորդում է Forbes.com-ը:
Flagship Pioneering-ի հիմնադիր Նուբար Աֆեյանը, որի կարողությունը գնահատվում է 2.9 միլիարդ դոլար, իր կարիերայի ընթացքում հիմնել է ավելի քան 50 ընկերություններ առողջապահության եւ կենսաբանության ոլորտներում:
«Այս ֆոնդը կֆինանսավորի կենսաբանական պլատֆորմների հաջորդ սերունդը», - ասել է Աֆեյանը: «Անցյալի փորձը ցույց է տվել, որ գիտությունն ու տեխնոլոգիաները կարող են շատ կարեւոր դեր խաղալ ցանկացած քանակի հիվանդությունների դեմ պայքարում», - ընդգծել է ներդրողը:
«Հավանաբար, այս հիմնադրամի կյանքի ցիկլում՝ առաջիկա 2.5-3 տարիների ընթացքում, մենք կստեղծենք 20-25 նոր ընկերություն», - ասել է Աֆեյանը:
Հիմնադրամը մտադիր է ներդրումներ կատարել թերապիայի, գյուղատնտեսության եւ սննդի ոլորտներում: Այն նաեւ ստեղծում է նոր ստորաբաժանում, որը կենտրոնանալու է կանխարգելիչ բժշկության եւ առողջության անվտանգության հարցերի վրա, որպեսզի օգնի ավելի լավ պաշտպանել մարդկանց առողջությունը նախքան հիվանդանալը եւ ավելի լավ դիմակայել նոր վարակիչ հիվանդությունների սպառնալիքներին:
16:09 | 16.06.21 |
Նորություններ
«Ինժեներական քաղաք»-ի ռեզիդենտության հայտերի ընդունումը շարունակվում է
15:53 | 16.06.21 |
Նորություններ
DISQO-ն գնել է Verto Analytics ընկերությունը
