«Հայփոստ»-ը «Սբեր»-ի ՏՏ լուծումները կներդնի տրանսպորտի ոլորտում

Սանկտ Պետերբուրգի միջազգային տնտեսական համաժողովի ընթացքում «Սբեր» («Сбер») համակարգի անդամ «Հաշվարկային լուծումներ» («Расчетные решения») բաժնետիրական ընկերությունը եւ «Հայփոստ»-ը կնքել են համագործակցության համաձայնագիր։  

Փաստաթուղթը ստորագրել են «Սբերբանկ»-ի վարչության նախագահի տեղակալ Կիրիլ Ցարյովը, «Հաշվարկային լուծումներ» բաժնետիրական ընկերության գլխավոր տնօրեն Միխայիլ Կազակովը եւ «Հայփոստ»-ի գլխավոր տնօրեն Հայկ Կարապետյանը։

Համաձայնագրով, մասնավորապես, նախատեսված է, որ «Հաշվարկային լուծումներ»-ի տեխնոլոգիաների եւ մշակած նախագծերի հիման վրա Երեւանում երթեւեկության անկանխիկ վճարման տրանսպորտային տեխնոլոգիական հարթակ կներդրվի: