Աղբյուր. Facebook-ը խելացի ժամացույց կներկայացնի

Facebook-ը սկսել է խելացի ժամացույցի մշակման ուղղությամբ աշխատանքները, որոնք հասանելի կլինեն 2022թ.:

Business Insider-ի փոխանցմամբ, ժամացույցը նախատեսված կլինի սոցցանցում եւ Facebook-ին պատկանող այլ հարթակներում (Instagram, WhatsApp) հաղորդակցման համար:

Սարքը կունենա նաեւ առողջության տվյալների չափման եւ ներկայացման ծառայություններ:

Նշվում է, որ ժամացույցը կաշխատի Android օպերացիոն համակարգով եւ կկարողանա միանալ ինտերնետին՝ առանց սմարթֆոնին միանալու:

Facebook-ը հրաժարվել է մեկնաբանել խելացի ժամացույցի մշակման մասին լուրերը: