Իլոն Մասկի Starlink-ը սկսել է աշխարհում «տիեզերական ինտերնետ» վաճառել

Starlink-ը՝ Իլոն Մասկի արբանյակային ինտերնետային նախագիծը, սկսել է ընդունել ծառայության նախապատվերներ՝ Կանադայում, Ավստրալիայում եւ Նոր Զելանդիայում:

Նշվում է, որ մի շարք երկրներում նախագիծը ինտերնետային կարգավորիչներից գործունեություն ստանալու թույլտվություն դեռ չի ստացել: Խոսքը նույն Ավստրալիայի եւ Նոր Զելանդիայի, ինչպես նաեւ Հնդկաստանի, Ճապոնիայի, Բրազիլիայի, Կոլումբիայի, Ռուսաստանի մասին է:

Starlink-ը հայտարարել է, որ ծառայությունից օգտվելու ամսական բաժանորդավճարը $100 է: Սակայն, բացի աբոնեմենտային վճարը, ծառայությունից օգտվելու համար անհրաժեշտ է գնել սարքավորումներ, որոնք արժեն $500:

Հիշեցնենք, որ նախորդ շաբաթ SpaceX-ը դիմում էր ներկայացրել ԱՄՆ Արժեթղթերի եւ բորսայի հանձնաժողով՝ Starlink-ը որպես հեռահաղորդակցության ոլորտի ընկերություն գրանցելու հայցով: Ընկերության ներկայացուցիչների խոսքով, Starlink արբանյակային ինտերնետի համակարգից օգտվողների թիվն ԱՄՆ-ում եւ արտերկրում հասել է 10 հազ.-ի:

17:11 | 05.02.21 |

Starlink արբանյակային ինտերնետի համակարգից օգտվողների թիվը հասել է 10 հազ.-ի