16:20 | 09.02.21 | Նորություններ | 2525
Reddit-ը $250 մլն է ներգրավել եւ դարձել $6 մլրդ արժողությամբ ընկերություն
Reddit սոցիալական հարթակն ավելի քան $250 մլն է ներգրավել՝ ներդրումային E շրջափուլի շրջանակում:
Ներդրումից հետո ընկերությունը գնահատվում է $6 մլրդ, գրում է The Wall Street Journal-ը:
Հիշեցնենք, որ 2019թ. ներդրողները ընկերությունը գնահատում էին $3 մլրդ:
«Մենք որոշեցինք, որ ժամանակն է ռազմավարական ներդրումներ կատարել Reddit-ում՝ ներառյալ տեսանյութերը, գովազդը, սպառողական ապրանքները եւ միջազգային ընդլայնումը», - ասված է ընկերության տարածած հայտարարության մեջ:
Reddit-ը նախատեսում է ներդրումներ կատարել հարթակում հաղորդակցման ուղիներ ստեղծելու եւ բարելավելու համար: Կընդլայնվի նաեւ թիմը:
Հիշեցնենք, որ Reddit-ի համահիմնադիրը մեր հայրենակից Ալեքսիս Օհանյանն է: 2020թ. հունիսին նրան Reddit-ի տնօրենների խորհրդում փոխարինեց Y Combinator-ի գլխավոր գործադիր տնօրեն եւ գործընկեր Մայքլ Սեյբելը:
14:37 | 09.02.21 |
Նորություններ
Հայտնի են Աքսելերատոր #5 ծրագրի հաղթող ստարտափները
