Google ընկերությունը գործարկել է Chrome դիտարկիչի նոր տարբերակը՝ Windows-ի, Mac-ի եւ Linux-ի համար, որն ավելի կհեշտացնի գաղտնաբառերի հետ աշխատանքը:
Chrome-ի նոր տարբերակն ընդլայնում է գաղտնաբառերի կառավարման ներկառուցված համակարգի գործառույթները: Այսուհետ օգտատերերը կտեղեկանան, թե իրենց գաղտնաբառերից որոնք են թույլ, հետեւաբար փոփոխման անհրաժեշտություն ունեն: Մանրամասները հասանելի են այստեղ:
Առաջիկա օրերին թարմացումը հասանելի կդառնա բոլոր օգտատերերին:
Հավելենք, որ 2020թ. վերջին գաղտնաբառերի կառավարման նմանատիպ համակարգ էր ներկայացրել Microsoft-ը:
