17:08 | 18.12.20 | Նորություններ | 4797
Վեբբ Ֆոնտեն Հայաստանը Առողջապահության նախարարությանը շտապօգնության 2 մեքենա է նվիրել
Առեւտրի խթանման ոլորտում առաջատար Վեբբ Ֆոնտեն Հայաստան ընկերությունը ՀՀ առողջապահության նախարարությանն է նվիրաբերել 2 Տոյոտա Լենդ քրաուզեր մակնիշի շտապօգնության ամենագնաց մեքենա։
«Հանդիսանալով IT շուկայի ամենակայուն ընկերություններից մեկը՝ Վեբբ Ֆոնտենը շարունակում է իր աջակցությունը ցույց տալ Հայաստանի Հանրապետությանը։ Շտապօգնության ամենագնաց մեքենաները համալրված են բոլոր անհրաժեշտ սարքավորումներով: Դրանք բերվել են Արաբական Միացյալ Էմիրություններից՝ Դուբայից, եւ նպաստելու են շտապօգնության ավտոպարկը թարմացնելուն»,- նշել են ընկերությունում:
Հավելենք, որ միայն այս տարի ընկերությունն ավելի քան 50 մլն դրամի նվիրատվություն է իրականացրել ՝օգնելով պետությանը դուրս գալ ճգնաժամային իրավիճակից։
