Instagram-ը երկար տարիների ընթացքում առաջին անգամ հավելվածի դիզայնի լուրջ փոփոխություն է իրականացրել՝ ավելացնելով երկու նոր կոճակ:
The Verge-ի փոխանցմամբ, Shop բաժնում կարելի է գտնել վաճառվող ապրանքներ եւ Reels բաժնում՝ կարճ տեսահոլովակներ:
Shop բաժնում օգտատերերը կարող են դիտել առաջարկներ, նոր ապրանքներ, ինչպես նաեւ կապ հաստատել բրենդների հետ: Վճարումը հնարավոր է կատարել այս ամառ գործարկված Facebook Pay-ի միջոցով:
Reels-ը նախատեսված է 15 վայրկյան տեւողությամբ տեսահոլովակների ստեղծման եւ տարածման համար: Իր գործառույթներով այն նման է TikTok-ին:
