13:46 | 16.09.20 | Նորություններ | 1950

«Ժամանակը թռչում է». Ի՞նչ ներկայացրեց Apple-ը ամենամյա միջոցառման ընթացքում

Նախօրեին կայացել է Apple-ի՝ «Ժամանակը թռչում է» խորագրով առցանց միջոցառումը, որի ընթացքում ընկերությունը ներկայացրել է մի շարք նորույթներ:

Միջոցառումը մեկնարկել է Apple-ի գործադիր տնօրեն Թիմ Քուկի խոսքով, որում նա պատմել է աշխարհում COVID-ի հետ կապված զարգացումների մասին եւ ընդգծել, որ Apple-ն անգամ այս դժվարին պայմաններում շարունակում է աշխատել եւ հետաքրքիր պրոդուկտներ ներկայացնել:
Միջոցառման ընթացքում ներկայացվել են հետեւյալ նորույթները:

Apple Watch Series 6

Սմարթ ժամացույցի նոր մոդելն աշխատում է Apple A13-ի հիմքով՝ S6 պրոցեսորով: Այն 20%-ով ավելի արագ է Series 5 մոդելից:



Ժամացույցն ունի երկու ռեժիմ՝ մանկական եւ ընտանեկան: Առաջինը թույլ է տալիս հետեւել երեխային, իմանալ նրա գտնվելու վայրը, ծանոթանալ դպրոցական գնահատականներին եւ առողջական վիճակին: Ընտանեկան ռեժիմը թույլ է տալիս կիսվել վիզուալ բովանդակությամբ՝ ավելի արագ:

Ցավոք, նոր մոդելը գնելիս այլեւս չեք ստանա լիցքավորման լարը եւ լիցքավորիչը:

Apple Watch Series 6-ի արժեքը սկսվում է $399-ից: Վաճառքը կմեկնարկի սեպտեմբերի 18-ին:

Apple Watch SE

Հաջորդ նորույթը Apple Watch SE բյուջետային ժամացույցն է: Ժամացույցի վիճակագրությունն ու տվյալները կարելի է փոխանցել ձեր iPhone-ին, iPad-ին կամ Apple TV-ին: Մոդելը կարժենա $279:


Fitness+ սպորտային ծառայություն

Apple Fitness+ նոր ծառայությունը թույլ կտա ստանալ անհատական խորհուրդներ եւ մարզումների գրաֆիկ: Այն հասանելի կդառնա տարեվերջին:



Ծառայությանը կարելի է բաժանորդագրվել երկու տարբերակով: 1 ամիսն արժե $9.99, իսկ մեկ տարին՝ $79.99:

iPad 8

Նոր ոչ թանկ պլանշետն աշխատում է Apple A12 պրոցեսորով եւ 40%-ով ավելի արագ է՝ նախորդ մոդելից:


Արժեքը՝ սկսած $329-ից: Վաճառքը կմեկնարկի սեպտեմբերի 18-ին:

iPad Air 4

Պլանշետը հասանելի կլինի միանգամից 5 գունային տարբերակներով՝ կապույտ, ոսկեգույն, կանաչ, մոխրագույն եւ արծաթագույն:

Այն աշխատում է A14 Bionic պրոցեսորով:



Մոդելն ունի մատնահետքի սքաներ՝ Touch ID, փոխարենը առկա չէ Face ID: Էկրանը 10.9 դյույմ է:

iPad Air 4-ի արժեքը սկսվում է $599-ից. այն հասանելի կդառնա հոկտեմբերից:

***
Apple-ի միջոցառման ամբողջական տեսագրությունը կարող եք դիտել ստորեւ:



Հ.Գ. Հավելենք, որ iPhone 12-ին Apple-ի երկրպագուները ստիպված են մի փոքր էլ սպասել. նոր մոդելների ներկայացման ժամկետը ձգձգվում է եւ կկայանա հոկտեմբերին:

Նախատեսվում է ներկայացնել չորս մոդել: Այդ մոդելներից երկուսը կլինեն բյուջետային (5,4 եւ 6,1 դյույմ անկյունագծով), իսկ մյուս երկուսը՝ ֆլագմանային (6,1 եւ 6,7 դյույմ):