Shops. Facebook-ի նոր գործառույթը կօգնի բիզնեսներին առցանց առեւտուր սկսել

Facebook-ը ներկայացրել է Shops ծառայությունը, որը թույլ կտա սոցցանցում ստեղծել ինտերնետ խանութներ՝ աջակցելով համավարակի շրջանում փոքր բիզնեսին:

Ընկերությունում նշել են, որ Shops-ի միջոցով ցանկանում են օգնել ցանկացած ընկերության սկսել առցանց վաճառել իր պրոդուկտները:

Ծառայությունն անվճար է եւ հարմար օգտագործման համար: Դրանից օգտվելու համար հարկավոր է Facebook-ում եւ Instagram-ում ընտրել այն ապրանքատեսակները, որոնք ցանկանում եք գովազդել, ինչպես նաեւ դրանց մատուցման ձեւը: Գործառույթից կարող են օգտվել բոլոր ընկերությունները՝ անկախ բյուջեից եւ չափերից:

Առաջիկա ամիսներին Shops-ը հասանելի կդառնա բոլորին օգտատերերին: