Կորոնավիրուսի դեմ պայքարի շրջանակում դրամաշնորհային ծրագիր է մեկնարկել

Կորոնավիրուսի տարածման կանխարգելմանն ուղղված մարտահրավերների հաղթահարմանը աջակցելու նպատակով՝ ՀՀ բարձր տեխնոլոգիական արդյունաբերության նախարարությունը հայտարարել է դրամաշնորհների մրցույթ:

Այն ընկերությունները, որոնք կառաջարկեն արդյունավետ եւ նորարարական լուծումներ, կստանան դրամաշնորհներ՝ դրանց իրագործման համար:

10:31 | 30.03.20 |

Հայաստանը դիտարկում է ԹԱՕ սարքեր արտադրելու հնարավորությունը

Հայտերն ընդունվում են մինչեւ ապրիլի 3-ը՝ ժամը 24։00: Հայտը հասանելի է այստեղ:

Նախարարությունում նշել են, որ մասնակից հայտերի գնահատումը իրականացվելու է 2 փուլով։ Առաջին փուլով գնահատվելու է նախագծի օգտակարությունն ու իրագործելիությունը։ Հաջորդ փուլ են անցնելու հանձնաժողովի կողմից առավելագույն միավորներ ստացած 15 նախագծերը։

Մրցույթի ընդհանուր բյուջեն կազմում է 22 մլն ՀՀ դրամ եւ տրամադրվելու է հինգ լավագույն նախագծերը ներկայացրած ընկերություններին՝ համապատասխանաբար 10 մլն, 5 մլն, 3 մլն եւ երկուական 2 մլն ՀՀ դրամի չափով:

Մրցույթի գնահատման մեխանիզմին կարելի է ծանոթանալ այստեղ: