«Կասպերսկի». Հայաստանցի երեխաներին համացանցում ամենաշատը հետաքրքրում է հաղորդակցումը

Անցած ամառային արձակուրդներին հայաստանցի երեխաներին առավել հետաքրքրել է հաղորդակցումը (51,96%), ծրագրային ապահովումը եւ երաժշտությունը սոցիալական ցանցերում, ինչպես նաեւ YouTube-ի տեսանյութերը, նոր սերիալները եւ ֆիլմերը։

Այս մասին է վկայում «Կասպերսկի» ընկերության վերլուծությունը:

Նրանք բավական ժամանակ են ծախսել նաեւ առցանց-խանութների տեսականին ուսումնասիրելու համար (9,22%)։ Թերեւս, հայաստանցի երեխաների համեմատաբար տարածված միակ ակտիվությունը, որը կարող է նրանց ծնողների տագնապի պատճառ դառնալ, դարձել է «Զենք» թեմատիկայով վեբ-հարթակների այցելությունը (7,84%)։ Իսկ ահա այլ անհարիր՝ էրոտիկայի եւ պոռնկագրության, ալկոհոլի եւ թմրամիջոցների, բռնության եւ մոլախաղերի տիպի թեմաներով երեխաները շատ ավելի քիչ են հետաքրքրվել, քան դրանից ավանդաբար զգուշանում են ծնողները։

14:09 | 04.06.19 |

«Կասպերսկի». ՀՀ-ում երեխաների 45%-ն այցելում կամ փորձում է այցելել սոցցանցեր

Վերլուծելով աշխարհով մեկ երեխաների անանուն դարձրած որոնողական հարցումները՝ «Կասպերսկի» ընկերության փորձագետները հանգել են այն եզրակացության, որ այս ամառ նրանք ամենից հաճախ փնտրել են ֆիլմեր եւ սերիալներ՝ որոնողական համակարգերում բոլոր հարցումների 22%-ը։ Դեպքերի մեծամասնությունում երեխաները հետաքրքրվել են Սարդ-մարդու մասին ֆիլմով։ Նրանց ուշադրությունը նաեւ սեւեռվել է Ալլադինի դիսնեյյան էկրանավորմանը եւ Ջոն Ուիքի մասին մարտաֆիլմի երրորդ մասին։

Ինչ վերաբերում է սերիալներին, ապա Հայաստանում, ինչպես եւ, ընդհանուր առմամբ, ամբողջ աշխարհում, պատանի օգտատերերն ամենից հաճախ փնտրել են Netflix-ի «Շատ տարօրինակ գործերի» նոր խաղաշրջանը։ Ընդ որում, նրանց հետաքրքրել է ոչ միայն հենց սերիալը, այլեւ երիտասարդ դերասանների մասին տեղեկատվությունը, որոնցից շատերը նրանց հասակակիցներն են։

Երեխաների շրջանում ժողովրդականության առումով երկրորդ տեղում է HBO-ի «Չեռնոբիլ» սերիալը։ Հետաքրքրական է, որ այս սերիալի հաջողության ֆոնին երեխաներն սկսել են հետաքրքրվել ճառագայթումով եւ դրա հետ կապված ամեն ինչով. որոնողական հարցումներում հայտնվել են «ռադիոակտիվ», «ռադոն» եւ այլ նման բառեր, որոնք նախկինում չէին հայտնվում նույնիսկ տասը հազար առավել տարածվածների թվում։

Ըստ ամենայնի, ամռանը երեխաներն ունենում են առցանց-խանութներ այցելելու ավելի շատ ժամանակ։ Ինչպես վկայում է «Կասպերսկի» ընկերության համաշխարհային վիճակագրությունը, տարվա ընթացքում «Էլեկտրոնային առեւտուր» կատեգորիային միջին հաշվով բաժին է ընկել որոնողական հարցումների 9%-ը, իսկ ամռանն այդ ցուցանիշն աճել է մինչեւ գրեթե 13%։

Շոփինգի հետ կապված ամենատարածված հարցումներ են դարձել Amazon-ը, eBay-ը եւ AliExpress-ը։ Հագուստի եւ կոշիկի բրենդերից երեխաներին ամենաշատը հետաքրքրել են Vans-ը, Gucci-ն, Zara-ն, H&M-ը, Off-White-ը եւ Balenciaga-ն։ Տեխնիկայի պարագայում էլ նրանց հետաքրքրել է Apple-ի եւ Samsung-ի արտադրանքը։

Այս տարվա արդյունքներով հետաքրքրական միտումներից մեկն է դարձել երեխաների մեծ ուշադրությունը ցանցում գաղտնիության եւ անանունության թեմային. նրանց ամենատարածված որոնողական հարցումների թվում են այնպիսի բառեր, ինչպիսիք են Proxy-ն եւ Tor-ը։ Փորձագետները նշում են, որ այդ թեմայի նկատմամբ պատանի օգտատերերի հետաքրքրությունն, ընդհանուր առմամբ, աճում է, թեեւ՝ բավական դանդաղ։

«Երեխաները շատ լավ տեղեկացված են այն մասին, թե ինչ է տեղի ունենում աշխարհում։ Այս ամռան աղմուկ հանած շատ համացանցային իրադարձություններ նրանց ուշադրությունից զերծ չեն մնացել։ Օրինակ՝ Roblox խաղի 100 միլիոն օգտատերերի մեծամասնությունը երեխաներն են։ Իսկ TikTok սոցիալական ցանցի արշալույսին դրա հիմնական օգտատերերն են եղել հենց դպրոցականները, եւ արդեն հետո նրանց են միացել մեծահասակաները- պատմում է «Կասպերսկի» ընկերության բովանդակության վերլուծության փորձագետ Աննա Լարկինան։

Երեխաներին անցանկալի բովանդակությունից եւ այլ համացանցային վտանգներից կարելի է պաշտպանել Kaspersky Safe Kids լուծման օգնությամբ։ «Կասպերսկի» ընկերության այդ լուծումը հայտնաբերում եւ արգելափակում է բազմաթիվ արդիական կիբեռսպառնալիքներ, զտում անցանկալի բովանդակությունը եւ կանխում առցանց շփումները հնարավոր վտանգ ներկայացնող անծանոթների հետ։ Բացի այդ, նշված լուծման օգնությամբ ծնողները կարող են տեղյակ լինել սոցիալական ցանցերում երեխայի հրապարակումներից եւ նրա ընկերների ցանկի փոփոխություններից, ինչպես նաեւ իմանալ նրա գտնվելու վայրն իրական ժամանակի ռեժիմում։