Instagram-ը 7 երկրում լայքերի քանակը թաքցնող գործառույթ է ներդրել

Instagram-ը հայտարարել է, որ մի շարք երկրներում փորձնական ներդրել է գրառումների լայքերի թիվը թաքցնող գործառույթ:

«Ցանկանում ենք, որ ձեր ընկերները կենտրոնանան լուսանկարների եւ տեսանյութերի վրա, որոնք դուք տարածում եք, այլ ոչ թե այն հանգամանքի վրա, թե որքան լայք են ստանում»,- բացատրել են Instagram-ում:

Փոփոխությունները հասանելի են Ավստրալիայում, Բրազիլիայում, Կանադայում, Իռլանդիայում, Իտալիայում, Ճապոնիայում եւ Նոր Զելանդիայում:

Օգտատերերը նաեւ չեն կարողանա տեսնել տեսանյութերի դիտումների թիվը:

Հիշեցնենք, որ ապրիլին հայտնի դարձավ, որ Instagram-ը դիտարկում է հնարավորություն, որը թույլ կտա թաքցնել գրառման տակ ստացած լայքերի թիվն այլ օգտատերերից: Դրանք կկարողանա տեսնել միայն հրապարակման հեղինակը:

Գործառույթի ներդրման դեպքում օգտատերերը կկարողանան ավելի մեծ ուշադրություն դարձնել կոնտենտին, այլ ոչ թե գրառման լայքերին: