Armenia Startup Academy-ի շրջանավարտները. Risksensor

Itel.am-ն առանձին շարքով ներկայացնում է Armenia Startup Academy-ի աքսելերացիոն երրորդ շրջանի շրջանավարտ ստարտափներին:

Risksensor-ը ներդրումների կառավարման գործիքակազմ է, որի թիրախում մինչեւ $50 հազ. կապիտալ կառավարող մանրածախ ներդրողներն են:

9 հոգուց բաղկացած թիմը ստեղծել է պրոդուկտ, որն առանձնանում է նորագույն տեխնոլոգիաների կիրառմամբ եւ շուկայի թիրախավորմամբ։

Risksensor-ի նախագծերի մենեջեր Աննա Գալստյանի խոսքով, Armenia Startup Academy-ի աքսելերացիոն ծրագրին մասնակցությունը ստրատափին տվել է այլ հիմնադիրների եւ նրանց անհանգստացնող խնդիրներին առնչվելու հնարավորություն, ինչպես նաեւ գիտելիքների հասանելիություն։

Առաջիկա մեկ տարում թիմը նախատեսում է ունենալ շուրջ 1000 օգտատեր:

Հիշեցնենք, որ Risksensor-ը (նախկինում`Financial Tech) 2017թ. ԵՄ Գիտական եւ տեխնոլոգիական ձեռներեցության դրամաշնորհային ծրագրի (EU4Business STEP) հաղթողներից է: