Բուհերն ու հետազոտական ինստիտուտները կարող են մրցել $7500 դրամական պարգեւի համար

ՀՀ-ում գործող համալսարաններին եւ հետազոտական ինստիտուտները կարող են մասնակցել Ֆակուլտետային հետազոտական մրցանակաբաշխությանը (Faculty Research Award), որի արդյունքում գիտահետազոտական 7 թիմ կստանա դրամական պարգեւ՝ $7500 չափով:

Մրցույթը նախաձեռնել է Ձեռնարկությունների Ինկուբատոր Հիմնադրամը՝ PMI Science-ի աջակցությամբ:

Ֆակուլտետային հետազոտական մրցանակաբաշխության նպատակը համալսարաններում եւ հետազոտական ինստիտուտներում առկա հետազոտական թիմերին աջակցելն է։

Մասնակցության դիմում-հայտը եւ ինքնակենսագրականները հարկավոր է ներկայացնել՝ լրացնելով հետեւյալ առցանց հայտադիմումը (անգլերեն լեզվով), ինչպես նաեւ ուղարկել փաթեթը Info@eif.am էլեկտրոնային հասցեին։

Դիմումների ընդունման վերջնաժամկետը դեկտեմբերի 24-ն է (ներառյալ):

Կարող են դիմել 2-5 անդամից կազմված հետազոտական թիմերը, որոնք իրականացնում են արդի հետազոտական ու գիտական նախագծեր եւ ցանկանում են հետազոտական նախագծերի զարգացման համար ստանալ ֆինանսական աջակցություն հետեւյալ ոլորտներում՝

• Կիրառական մաթեմատիկա,
• Կիրառական ֆիզիկա,
• Էլեկտրոնիկա, Էլեկտրատեխնիկա, Էլեկտրոնային կառավարման համակարգեր,
• Տվյալների հավաքագրում, Տվյալների կառավարում

 Սիմուլացիա եւ մոդելավորում, բազմաֆունկցիոնալ մոդելավորում, ալգորիթմներ,
 Չափման տեխնոլոգիաներ, տվիչներ,
 Վերլուծական քիմիա,
 Կենսաբժշկություն, թունաբանություն
 Նյութագիտություն
 Աերոզոլային գիտություն
 Առարկաների ինտերնետ (IoT).

Ընտրությունը կատարվելու է տեղական եւ միջազգային փորձագետներից կազմված ժյուրիի կողմից: Հայտերը գնահատվելու են ըստ առաջադրված խնդրի բարդության, հետազոտության արդիականության եւ կիրառելիության ոլորտի, փորձարարական լուծումների եւ տեսական մասի համադրման մակարդակի, ինչպես նաեւ միջազգային հրապարակումների եւ հղումների առկայության: