Արտաշես Վարդանյան

Microsoft Innovation Center

Մայքրոսոֆթ ինովացիոն կենտրոնի տնօրեն

Նինա Աչաջյան

HIVE

HIVE ներդրումային հիմնադրամի հիմնադիր

Կարեն Վարդանյան

Union of Information Technology Enterprises

ԻՏՁՄ գործադիր տնօրեն

Մանուկ Հերգնյան

Granatus Ventures

«Գրանատուս Վենչուրս» ընկերության համահիմնադիր եւ կառավարող գործընկեր

A2B transport

Երեւանի տրանսպորտային երթուղիների որոնում

Share4Car

Օնլայն AutoStop-ը միավորում է նույն ճանապարհով երթեւեկողներին

Movie Trip

Տեղեկատվություն հայտնի ֆիլմերում ներկայացված վայրերի մասին

gg

Ավտոմեքենա պատվիրելու օնլայն համակարգ

Be Armenian

Հայկական թեմաներով հայալեզու ֆոներ եւ բացիկներ

Mobitaxi

Օնլայն տաքսի ծառայություն

Cubway

Արկադային (Arcade game) էլեմենտներով puzzle խաղ

Mathuk

Մաթեմատիկա սովորեցնող օնլայն համակարգ

«Կասպերսկի». ՀՀ-ում գաղտնագրող ծրագրերով գրոհի ենթարկված օգտատերերի թիվը 0,92% է

«Կասպերսկի Լաբորատորիա»-ի ներքին վիճակագրության համաձայն՝ ամբողջ աշխարհում օգտատերերն ավելի հաճախ են բախվում այն վնասաբեր ծրագրային ապահովմանը (ԾԱ), որը նախատեսված է բանկային հաշիվներից օնլայն-հասանելիության միջոցով փող գողանալու համար։

2018թ. երրորդ եռամսյակի արդյունքներով՝ թվային սարքերում նման վնասաբեր ծրագրերի գործարկման փորձերի քանակը նախորդ երեք ամիսների համեմատ աճել է 41,5%-ով։

«Կասպերսկի»-ում նշել են, որ 2018թ. ընթացքում աճում է մոբայլ բանկային տրոյական ծրագրերի քանակը։ Այս պահին դրանց բաժինը բոլոր մոբայլ սպառնալիքներում կազմում է գրեթե 4,5%, ընդ որում՝ տարվա սկզբին այդ ցուցանիշը երեք անգամ փոքր է եղել։

Երրորդ եռամսյակում Android սարքերի համար նախատեսված բանկային տրոյական ծրագրերի գրոհների ենթարկված օգտատերերի ամենամեծ բաժինը գրանցվել է Ռուսաստանում (օգատերերի 2,18%): Փորձագետները դա կապում են Asacub-ի զանգվածային գրոհների հետ, որոնց գագաթնակետը ամառվա վերջն ու աշնան սկզբին էր եւ առավելապես առնչվում էր ռուսալեզու օգտատերերին։ Հայաստանում բանկային տրոյական ծրագրերի գրոհներին բախվել է Android սարքերի օգտատերերի ընդամենը 0,15%-ը։

Մյուս կողմից, չարագործները դեռեւս փորձում են իրենց զոհերի փողերը ձեռք գցել գաղտնագրող ծրագրերի օգնությամբ։ Թեեւ, «Կասպերսկի Լաբորատորիա»-ի հաշվարկներով, երրորդ եռամսյակում հայտնաբերված գաղտնագրող ծրագրերի տարբերակների քանակը նկատելիորեն փոքր է եղել, քան նախորդ եռամսյակում, նրանց կողմից գրոհի ենթարկված օգտատերերի ընդհանուր քանակն արդյունքում աճել է 39%-ով։ Հատկանշական է, որ սարքերի ավելի քան քառորդ մասում (29%) հայտնաբերվել է տխրահռչակ WannaCry-ը, ինչը խոսում է այն մասին, որ օգտատերերի էական մասն այդպես էլ չի տեղադրել համապատասխան խոցելիությունը փակող թարմացումը, որը թողարկվել է մեկ ու կես տարի առաջ։ Գաղտնագրող ծրագրերով գրոհի ենթարկված օգտատերերի ամենամեծ բաժինը գրանցվել է Բանգլադեշում՝ 5,80%, իսկ Հայաստանում այդ ցուցանիշը կազմել է 0,92%։

«Կիբեռհանցագործների ճնշող մեծամասնությանն առաջ է մղում հարստանալու տարրական մոլուցքը։ Այդ պատճառով էլ մենք նրանց գործիքների շրջանում տեսնում ենք բազմաթիվ տարբեր վնասաբեր ծրագրեր, որոնք այսպես թե այնպես նպատակամղված են ուղիղ գրոհի ենթարկված օգտատերերից փող ստանալուն։ Ընդ որում, չարագործները միշտ հարմարվում են իրենց հնարավոր զոհերի սովորություններին եւ վարքագծին. դրա մասին վկայում է, մասնավորապես, բանկային տրոյական ծրագրերի քանակի չդադարող աճը։ Օգտատերերը գնալով ավելի ակտիվ են անցնում սմարթֆոնների, եւ կիբեռհանցագործները շարժվում են նրանց հետեւից։ Այնպես որ, ամենայն հավանականությամբ, մոբայլ պլատֆորմների համար ֆինանսական սպառնալիքների աճի տագնապալի դինամիկան մոտ ապագայում միայն թափ է հավաքելու»,- նշել է «Կասպերսկի Լաբորատորիա»-ի հակավիրուսային փորձագետ Վիկտոր Չեբիշեւը։

Ըստ «Կասպերսկի Լաբորատորիա»-ի գնահատականների՝ երրորդ եռամսյակում աշխարհում միջին հաշվով յուրաքանչյուր հինգերորդ համակարգիչ ենթարկվել է առնվազն մեկ վեբ-գրոհի։ Համակարգիչների փոքր-ինչ ավելի մեծ բաժինը (23%) ենթարկվել է տեղային սպառնալիքների, որոնք տարածվում են ոչ թե համացանցի, այլ հանովի սարքերի, օրինակ, USB-ֆլեշների միջոցով։ Երրորդ եռամսյակում տեղային սպառնալիքների ենթարկված օգտատերերի ամենամեծ բաժինն Ուզբեկստանում է (54,93%), իսկ Հայաստանում դրանց բախվել է օգտատերերի 33,5%-ը։

 

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo