Արտաշես Վարդանյան

Microsoft Innovation Center

Մայքրոսոֆթ ինովացիոն կենտրոնի տնօրեն

Նինա Աչաջյան

HIVE

HIVE ներդրումային հիմնադրամի հիմնադիր

Կարեն Վարդանյան

Union of Information Technology Enterprises

ԻՏՁՄ գործադիր տնօրեն

Մանուկ Հերգնյան

Granatus Ventures

«Գրանատուս Վենչուրս» ընկերության համահիմնադիր եւ կառավարող գործընկեր

A2B transport

Երեւանի տրանսպորտային երթուղիների որոնում

Share4Car

Օնլայն AutoStop-ը միավորում է նույն ճանապարհով երթեւեկողներին

Movie Trip

Տեղեկատվություն հայտնի ֆիլմերում ներկայացված վայրերի մասին

gg

Ավտոմեքենա պատվիրելու օնլայն համակարգ

Be Armenian

Հայկական թեմաներով հայալեզու ֆոներ եւ բացիկներ

Mobitaxi

Օնլայն տաքսի ծառայություն

Cubway

Արկադային (Arcade game) էլեմենտներով puzzle խաղ

Mathuk

Մաթեմատիկա սովորեցնող օնլայն համակարգ

Beeline-ի եւ ՄԻԿ-ի պրոդուկտի մշակման ճամբարի թիմերը ներկայացրել են իրենց նախագծերը

Հայաստանում Beeline-ի եւ Մայքրոսոֆթ ինովացիոն կենտրոն Հայաստանի կողմից կազմակերպված պրոդուկտի մշակման ճամբարին (product bootcamp) մասնակցող թիմերը ժյուրիին ներկայացրել են իրենց մշակումները։

Լավագույն երկու նախագծի հեղինակ թիմերը կստանան 1,5 մլն դրամի չափով ֆինանսավորում՝ իրենց գաղափարը մեկ քայլ առաջ տանելու եւ պրոդուկտի նախատիպի վերածելու համար։

Նախնական ընտրություն անցած 10 թիմերը, որոնք ներկայացնում էին նորարար տեխնոլոգիական լուծումներ տուրիզմի, ֆինանսաբանկային, առողջապահության սպասարկման եւ այլ ոլորտների համար, անցել են մենթորության փուլ։

Տարբեր ոլորտների առաջատար մասնագետներ աշխատել են թիմերի հետ եւ օգնել են նրանց ավելի լավ հասկանալ իրենց պրոդուկտի հնարավոր շուկան եւ օգտատերերին, ուրվագծել իրենց պրոդուկտի հնարավոր հատկանիշները (features) եւ կատարել խորը շուկայական հետազոտություն՝ հասկանալու առկա մրցակիցներին եւ նախանշելու իրենց առավելությունները: Թիմերի ներկայացրած գաղափարները գտնվում էին զարգացման մակարդակներում՝ սկսած զուտ գաղափարից մինչեւ առաջին նախատիպի մշակումը։

«Beeline-ը մեծ դեր է խաղում հայկական ստարտափ էկոհամակարգի կայացման, ինչպես նաեւ ստարտափների աջակցության գործում։ Դա շատ կարեւոր է, քանի որ այդպիսով ոչ միայն սատարում ենք տեխնոլոգիաների զարգացմանը, այլեւ օգնում ենք հայ երիտասարդներին կայանալ, ստեղծել իրենց բիզնեսը եւ դուրս գալ միջազգային շուկա։ Այդ իսկ պատճառով շարունակաբար փորձում ենք ներդնել միջազգային փորձը, ինչի արդյունքում այս տարի հեքըթոնը փոխարինել ենք պրոդուկտի մշակման ճամբարով։ Վստահ եմ, մեր մրցույթի բոլոր մասնակիցները մեծ հաջողության կհասնեն եւ իրենց աշխատանքով բազմաթիվ մարդկանց կյանքը կդարձնեն ավելի լավը»,- նշել է Հայաստանում Beeline-ի Հասարակայնության հետ կապերի ղեկավար Նաիրա Նազարյանը։

«Գաղափարի փուլում գտնվող ստարտափերի համար շատ կարեւոր է մենթորների հետ աշխատանքը, քանի որ նրանք դեռեւս փորձում են հասկանալ իրենց պոտենցիալ պրոդուկտը, շուկան եւ օգտատերին։ Ճամբարի շրջանակում ընտրված թիմերն անցան շատ կարեւոր փուլ, որից հետո նրանց անհրաժեշտ է որոշակի ֆինանսական միջոցներ՝ գաղափարն առաջին նախատիպի վերածելու համար։ Product bootcamp-ի շրջանակում մենք շարունակելու ենք աշխատել թիմերի հետ եւ հետեւել նրանց զարգացմանը եւ փուլ առ փուլ տրամադրելու ենք ֆինանսական միջոցներ»,- ընդգծել է Մայքրոսոֆթ ինովացիոն կենտրոնի տնօրեն Արտաշես Վարդանյանը։

Դեմո օրվա շրջանակում հայկական ստարատափ համայնքը ներկայացնող ժյուրիի անդամները՝ ծանոթանալով թիմերի գաղափարների եւ կատարած աշխատանքի հետ, կընտրեն լավագույն երկու թիմերին, որոնք պրոդուկտի մշակման ճամբարի մոտակա 3 ամիսների ընթացքում կստանան ֆինանսական միջոցներ՝ մշակելու իրենց պրոդուկտի նախատիպը։ Ընտրության հիմնական չափանիշներն են գաղափարի նորարարությունը եւ կիրառելիությունը, ինչպես նաեւ թիմի կազմը, մինչ այս փուլը կատարած աշխատանքը եւ զարգացումը։

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo