Ալեքսիս Օհանյան

Reddit

Ամերիկահայ ձեռներեց, ներդրող, Reddit սոցիալական լրատվական կայքի համահիմնադիր

Հայկ Կայսերյան

KAYWEB and KAYWEB Angels

Ավստրալաբնակ հրեշտակ ներդրող, KAYWEB, KAYWEB Angels ընկերությունների հիմնադիր

Կարեն Վարդանյան

Union of Information Technology Enterprises

ԻՏՁՄ գործադիր տնօրեն

Նինա Աչաջյան

HIVE

HIVE ներդրումային հիմնադրամի հիմնադիր

gg

Ավտոմեքենա պատվիրելու օնլայն համակարգ

Eye Care Plus

Ստուգել եւ մարզել տեսողությունը

Chessify

Շախմատի խաղատախտակի սքանավորում եւ վերլուծություն

PicsArt

Lուսանկարների խմբագրման համակարգ

LiveBoard

Ինտերակտիվ գրատախտակ՝ նկարելու եւ զրուցելու համար

Pet Savers

Փրկել փոքրիկ կենդանիներին

OutChat

Ծանոթանալ եւ հանդիպել 24 ժամ անց

Cartly

Մթերքի օնլայն գնում

Մայքըլ Քուշաքջեան. EPIC-ը ստարտափներին ուղղորդում է դեպի զարգացման նոր մակարդակ

Մայքըլ Քուշաքջեանը 2018-ի ապրիլից ղեկավարում է Հայաստանի ամերիկյան համալսարանի (ՀԱՀ) Ձեռներեցության եւ նորարարական տեխնոլոգիաների կենտրոնը (EPIC): Նա նաեւ ՀԱՀ Բիզնեսի եւ Տնտեսագիտության քոլեջի դասախոս է, ունի ստարտափ եւ վենչուրային փորձ՝ ինչպես Հայաստանում, այնպես էլ արտերկրում:

Itel.am-ը Մայքըլ Քուշաքջեանի հետ զրուցել է EPIC-ի ծրագրերի եւ տեսլականի, ինչպես նաեւ Հայաստանի ՏՏ ոլորտի մասին:

- Ինչպիսի՞ն է EPIC-ի զարգացման Ձեր տեսլականը:

- Մենք փորձում ենք EPIC-ը հասցնել ավելի բարձր մակարդակի՝ որակի, կարողությունների եւ հնարավորություններ առումով: Կարճաժամկետ նպատակների թվում է մեր ծրագրերի բարելավումը՝ հասցնելով դրանք այն մակարդակի, որում գտնվում են օվկիանոսից այն կողմ լավագույն համալսարանների ինկուբատորները:

Իրականացրել ենք Հայաստանի ՏՏ ոլորտին նվիրված հետազոտություն ու որոշել EPIC-ի դիրքը եւ ռազմավարությունը էկոհամակարգում: Նպատակն է ակտիվ գործունեություն ծավալել, լրացնել արդեն առկա հնարավորությունները եւ օգնել Հայաստանի բիզնեսին զարգանալ: Այս ռազմավարությունը կիրականացնենք՝ աշխատելով վաղ շրջանի ստարտափների հետ՝ օգնելով նրանց վավերացնել իրենց գաղափարները եւ առաջ տանել բիզնեսը:

Հայաստանի ամերիկյան համալսարանն ունի յուրահատուկ ռեսուրսներ եւ հնարավորություններ, որոնք Հայաստանում գործող որեւէ այլ ինկուբատոր եւ աքսելերատոր չունի: Օրինակ, մենք ունենք նորարարությանը, ձեռներեցությանը եւ ստարտափներին նվիրված բազմաթիվ դասընթացներ, որտեղ դասավանդում են դասախոսներ ինչպես Հայաստանից, այնպես էլ արտերկրից: Վերջերս մեր իրականացրած հարցման արդյունքները պարզել են, որ ՀԱՀ-ի 25 դասախոս ներառված է ստարտափ հիմնելու գործում, խորհրդատու կամ ներդրող է վաղ շրջանի ընկերություններում: Այնպես որ, համալսարանում մենք ունենք շատ գիտելիք եւ փորձ, որը կարող ենք օգտագործել սովորեցնելու, խորհուրդներ տալու EPIC-ի ստարտափ թիմերին:

Համալսարանը ներկայում ունի 4000-ից ավելի շրջանավարտ, ինչը եզակի ռեսուրս է: Նրանց 70 տոկոսը բնակվում է Հայաստանում: Մեծ մասը ձեռներեցներ են: Օրինակ, Հայաստանի ամենահաջողակ ստարտափ համարվող PicsArt-ի ղեկավարներից երեքը մեր շրջանավարտներն են: Նրանցից շատերը նաեւ աշխարհով մեկ են սփռված, մի մասն էլ հաջողակ ձեռներեցներ են: Այդ մարդիկ ցանկանում են մասնակցություն ունենալ EPIC-ի գործունեությանը եւ օգնել տեղական ստարտափներին՝ իրենց գլոբալ ցանցի միջոցով:

2016-ից՝ հիմնումից մինչ օրս, EPIC-ն արդեն երկու աքսելերացիոն ծրագիր է ունեցել:

Նախորդ ծրագրերի մասնակիցները ներկայում էլ EPIC-ը եւ ՀԱՀ-ը համարում են իրենց տունը, եւ մենք շարունակում ենք ամեն ինչով աջակցել նրանց:

- Ինչո՞վ է տարբերվելու EPIC-ի աքսելերացիոն երրորդ ծրագիրը, որն արդեն մեկնարկել է:

- Նոր ծրագրի մեկնարկը տվեցինք հոկտեմբերի 1-ին: Այն նախորդների համեմատ ավելի պաշտոնական եւ համակարգված է: Մասնակիցները յուրաքանչյուր շաբաթ մասնակցում են վորքշոփերի եւ քննարկումների՝ Հայաստանի եւ արտերկրի ձեռներեցների հետ: Մենթորությանը նվիրված ծրագիրը եւս այս անգամ ավելի ինտենսիվ է:

EPIC-ի աշխատանքներում ցանկանում ենք ներառել ոչ միայն Հայաստանի ամերիկյան համալսարանի ուսանողներին, այլեւ համալսարանից դուրս գտնվողներին: Յուրաքանչյուր թիմից առնվազն մեկ անդամ պետք է լինի ՀԱՀ ուսանող կամ շրջանավարտ: Մյուսները կարող են լինել համալսարանից դուրս: Օրինակ, անցած տարվա ծրագրում ունեինք մասնակից, որն ավագ դպրոցում էր սովորում:

- Ի՞նչ են թիմերը ստանում աքսելերացիոն 12 շաբաթների ընթացքում:

- Մեր առաջնային նպատակն է պատրաստել ստարտափներին՝ որպես բարձրորակ ընկերություններ, որոնք կարող են անցնել զարգացման եւ աճի հաջորդ մակարդակ: Ստարտափները ստանում են համալսարանի ենթակառուցվածքներից, նախատիպերի լաբորատորիաներից, մենթորների ծառայություներից օգտվելու հնարավորություն: Եվ որոշ ստարտափների դեպքում՝ ազդեցիկ ներուժ նկատելու պարագայում, մենք կարող ենք դիտարկել նրանց ներդրումների միջոցով աջակցելու հնարավորությունը:

ՀԱՀ-ն ու EPIC-ը նաեւ Հայաստանից դուրս հավանական ներդրողների ցանց ունեն: Մենք օգնում ենք այդ ներդրողներին գտնել ընկերություններ, որոնք պատրաստ են ներդրման համար: ՀԱՀ-ը Հայաստանում գործում է արդեն 27 տարի եւ շատերն են համալսարանին դիմում նման հարցերով:

- Աքսելերացիոն ծրագրից բացի, է՞լ ինչ ուղղություններով է գործունեություն ծավալում EPIC-ը:

- Հիմա աշխատում ենք ներդրումային հիմնադրամ ստեղծելու ուղղությամբ, որը, ամենայն հավանականությամբ, տեղի կունենա հաջորդ տարի:

Երկու ուղղություն կա, որոնց վրա ցանկանում ենք կենտրոնանալ: Հաճախ ենք ստանում հարցումներ՝ Սփյուռքում գործող վաղ շրջանում գտնվող ընկերություններից, որոնք ցանկանում են որոշակի ներկայություն ունենալ Հայաստանում, եւ դա անել ՀԱՀ-ի եւ EPIC-ի միջոցով:

Այդ ընկերությունները սկսել են Հայաստանով ավելի շատ հետաքրքրվել հեղափոխությունից հետ: Մարդիկ սկսում են իրենց ավելի հարմարավետ զգալ՝ այստեղ գրասենյակ բացելու կամ Հայաստանում գործող ստարտափում ներդրում կատարելու առումով:

Մեկ այլ ուղղություն, որ ցանկանում ենք զարգացնել, համագործակցությունն է Հայաստանի այլ համալսարանների հետ, օգնելու իրենց ներսում ստեղծել ինկուբատորներ եւ աքսելերատորներ: Հրավիրել ենք Երեւանի, մարզերի եւ Արցախի համալսարանների ներկայացուցիչների, որպեսզի հաղորդակցվեն մեր ծրագրի ստարտափների հետ եւ տեսնեն, թե ինչպես ենք իրականացնում աքսելերացիոն ծրագիրը:

- Ինչպիսի՞ն են Ձեր տպավորությունները Հայաստանում ՏՏ ոլորտի վերջին զարգացումների վերաբերյալ:

- Կարծում եմ՝ առկա է զարգացում, թեեւ համեմատաբար փոքր հիմքից: Ամենամեծ մարտահրավերը մարդկային կապիտալի եւ զարգացած աշխատուժի պահպանումն է: Պետք է հասկանալ, թե ինչպես պահել լավագույն մասնագետներին Հայաստանում: Չէ՞ որ բոլորս ենք տեղյակ լավագույնների համար գլոբալ մրցակցության մասին:

Տեխնիկական գիտելիքը Հայաստանում շատ որակյալ է, սակայն Հայաստանում ընկերություն ստեղծելու եւ զարգացնելու համար մենեջմենթի ոլորտի փորձի ներդրման կարիք կա եւ ՀԱՀ-ը կարող է օգնել այդ հարցում:

Մենք շատ դրական ենք տրամադրված այն ամենի հանդեպ, ինչ կատարվում է վերջին շրջանում Հայաստանում, եւ որպես կրթական հաստատություն, Հայաստանի ամերիկյան համալսարանը պատրաստ է աշխատել բոլորի հետ: Մեր նպատակն է անել հնարավոր ամեն ինչ՝ կրթելու մարդկանց նոր Հայաստանում:

Մայքըլ Քուշաքջեանի հետ զրուցել է Նարինե Դանեղյանը

 

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo