Ալ Եսայան

IntelinAir

Ամերիկահայ գործարար, IntelinAir ընկերության հիմնադիր

Պիեռ Հեննես

Granatus Ventures

«Գրանատուս Վենչուրս» ընկերության համահիմնադիր եւ կառավարող գործընկեր

Արտաշես Վարդանյան

Microsoft Innovation Center

Մայքրոսոֆթ ինովացիոն կենտրոնի տնօրեն

Ալեքսիս Օհանյան

Reddit

Ամերիկահայ ձեռներեց, ներդրող, Reddit սոցիալական լրատվական կայքի համահիմնադիր

inKin

Սոցիալական ֆիթնեսի հայ-ռուսական հարթակ

Share4Car

Օնլայն AutoStop-ը միավորում է նույն ճանապարհով երթեւեկողներին

OutChat

Ծանոթանալ եւ հանդիպել 24 ժամ անց

Pet Savers

Փրկել փոքրիկ կենդանիներին

Chessify

Շախմատի խաղատախտակի սքանավորում եւ վերլուծություն

TaxoLine

Տաքսիների օնլայն պատվիրում Երեւանում

Be Armenian

Հայկական թեմաներով հայալեզու ֆոներ եւ բացիկներ

Mathuk

Մաթեմատիկա սովորեցնող օնլայն համակարգ

«Կասպերսկի». 2018թ. նկատվում է DDoS-գրոհների քանակի որոշակի նվազում

«Կասպերսկի Լաբորատորիա»-ի փորձագետների համաձայն՝ 2018թ. երրորդ եռամսյակում ամենամեծ թվով DDoS-գրոհները տեղի են ունեցել սեպտեմբերին, երբ սկսվել է ուսումնական տարին, եւ աճել է դպրոցականների եւ ուսանողների ցանցային ակտիվությունը։

Մասնավորապես, վնասաբեր արշավների զոհ են դարձել Էդինբուրգի համալսարանը, բրիտանական առաջատար բուհերից մեկը, եւ ամերիկյան Infinite Campus ընկերությունը, որը ծնողական պորտալ է վարում մեծ թվով շրջանային դպրոցների համար։

Միաժամանակ, 2018թ. նկատվում է DDoS-գրոհների քանակի որոշակի նվազում։ Մասնագետների կարծիքով՝ նման միտումը կարող է կապված լինել այն բանի հետ, որ որոշ կիբեռհանցագործներն իրենց հզորությունները ուղղորդել են շահույթի ստացման ավելի շահավետ եւ համեմատաբար անվտանգ մեկ այլ եղանակի՝ կրիպտոարժույթի մայնինգին։

«Կասպերսկի Լաբորատորիա»-ի հաշվարկներով՝ ընթացիկ տարվա երրորդ եռամսյակում DDoS-բոտնետները խոցել են թիրախներ 82 երկրներում։ Գրոհների քանակով առաջին տեղում դեռ մնում է Չինաստանը (78%), երկրորդ տեղ է վերադարձել ԱՄՆ-ը (13%), երրորդ տեղում է հայտնվել Ավստրալիան (2%)։ Ավելին՝ առաջին անգամ թոփ-տասնյակը լքել է Հարավային Կորեան։ Փոփոխություններ են տեղի ունեցել նաեւ այն երկրների տասնյակում, որտեղ տեղակայված են բոտնետների ամենամեծ թվով հսկիչ-հրաման տվող սերվերները. առաջին տեղում է մնացել ԱՄՆ-ը (37%), երկրորդ տեղ է բարձրացել Ռուսաստանը (9%), երրորդ տեղում է հայտնվել Հունաստանը (8%)։

«Կասպերսկի Լաբորատորիա»-ի փորձագետների տվյալներով՝ տեւական DDoS-գրոհների բաժինը նշանակալիորեն կրճատվել է. հինգից ինը ժամ տեւողությամբ գրոհների բաժինը նվազել է 14%-ից մինչեւ 5%։ Ընդ որում, գործնականում 17 տոկոսային կետով աճել է չորս ժամից պակաս տեւողությամբ հարձակումների քանակը։

Ինչ վերաբերում է ըստ տիպերի DDoS-գրոհների բաշխմանը, ապա այստեղ իրավիճակը մնացել է նույնը. առաջին տեղում մնում է SYN-flood-ը՝ 83%։ Բացի այդ, Windows-բոտնետների քանակն աննշան նվազել է նախորդ եռամսյակի համեմատ՝ փոքր-ինչ զիջելով Linux-բոտնետների քանակին։

«Կիբեռհանցագործների հիմնական նպատակն օգուտ կորզելն է, որը պարտադիր չէ, որ լինի ֆինանսական։ Այլնից բացի, շատ հավանական է, որ այժմ չարագործները ձգտում են նոր տարածքներ յուրացնել (նման միտման պատճառները կարող են լինել ինչպես տնտեսական, այնպես էլ՝ իրավական )։ Երրորդ եռամսյակի նման դիտարկումներն, ընդհանուր առմամբ, վկայում են այն մասին, որ DDoS-գրոհների միջավայրում տեղի են ունենում փոխակերպման գործընթացներ, որոնք կարող են տեսանելի ապագայում հանգեցնել կիբեռհանցավորության այդ բնագավառի նշանակալի փոփոխությունների»,- նշել է Ռուսաստանում Kaspersky DDoS Protection-ի բիզնեսի զարգացման մենեջեր Ալեքսեյ Կիսելյովը։

Ընկերությունում նշել են, որ Kaspersky DDoS Protection լուծումն ապահովում է բիզնեսի հուսալի եւ արդյունավետ պաշտպանությունը DDoS-գրոհներից՝ սկսած շուրջօրյա ռեժիմում թրաֆիկի վերլուծությունից, հնարավոր գրոհի մասին ծանուցումների ուղարկումից եւ թրաֆիկի վերաուղղորդումից, այն մաքրելուց եւ ընկերության վեբ-կայք «մաքրված» թրաֆիկն ուղարկելուց մինչեւ անցած գրոհի վերլուծության արդյունքներով հաշվետվության տրամադրումը։ 

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo