Ալեքսիս Օհանյան

Reddit

Ամերիկահայ ձեռներեց, ներդրող, Reddit սոցիալական լրատվական կայքի համահիմնադիր

Դավիթ Յան

ABBYY

ABBYY համակարգչային ծրագրերի ընկերության հիմնադիր, Lingvo էլ. բառարանի ստեղծող

Րաֆֆի Գրիգորյան

U.S. Democratic National Committee

ԱՄՆ դեմոկրատական կուսակցության ազգային հանձնաժողովի գլխավոր տեխնոլոգիական տնօրեն (CTO)

Մանուկ Հերգնյան

Granatus Ventures

«Գրանատուս Վենչուրս» ընկերության համահիմնադիր եւ կառավարող գործընկեր

Calculator (APPA)

Հաշվել ԱՊՊԱ-ի հետ կապված ծախսերը

Cartly

Մթերքի օնլայն գնում

Yerevan Events

Մշակութային և ժամանցային միջոցառումների ուղեցույց

Shadowmatic

Երեւակայությունը զարգացնող 3D փազլային խաղ

Pet Savers

Փրկել փոքրիկ կենդանիներին

Cubway

Արկադային (Arcade game) էլեմենտներով puzzle խաղ

Eye Care Plus

Ստուգել եւ մարզել տեսողությունը

Share4Car

Օնլայն AutoStop-ը միավորում է նույն ճանապարհով երթեւեկողներին

Հակոբ Արշակյանն այցելել է Mentor Graphics-ի հայաստանյան գրասենյակ

ՀՀ տրանսպորտի, կապի եւ տեղեկատվական տեխնոլոգիաների նախարարի պաշտոնակատար Հակոբ Արշակյանն այցելել է Mentor Graphics ընկերության երեւանյան գրասենյակ։

Ընկերությունը Հայաստանում մասնաճյուղ է հիմնել 2008թ.՝ գնելով հայկական ծագմամբ «Պոնտե Սոլյուշնս» ընկերությունը։ Հայաստանյան գրասենյակը տեղակայված է «Թումո»-ի շենքում եւ ունի 160 աշխատակից։

«Մենթոր Գրաֆիկս Դիվելոփմենթ Սերվիս»-ի գործադիր տնօրեն Իրինա Դումանյանը Հակոբ Արշակյանին է ներկայացրել ընկերության հիմնական առաջնահերթությունները, աշխատակիցների համար ստեղծված պայմանները, հայաստանյան բուհերի հետ համագործակցությամբ իրականացվող կրթական եւ հետազոտական ծրագրերը։

Նշվել է, որ ընկերությունը վերջին տարիներին սերտ գործակցում է Հայաստանի ամերիկյան համալսարանի հետ, միջոցներ է տրամադրում ուսանողների ու պրոֆեսորների համատեղ հետազոտական աշխատանքների համար։ Համագործակցում են նաեւ Հայ-ռուսական համալսարանի հետ՝ ընկերության աշխատակիցները պարբերաբար մասնագիտական թեմաներով դասախոսություններ են կազմակերպում։ Ընկերությունն աշխատում է նաեւ Գիտությունների ազգային ակադեմիայի հետ։

Իրինա Դումանյանի խոսքով, իրենց աշխատակիցների 37 տոկոսը կանայք են, ինչն այլ երկրների մասնաճյուղերի համեմատ ռեկորդային ցուցանիշ է։

Հակոբ Արշակյանն իր խոսքում ընդգծել է, որ քայլեր են իրականացվում Հայաստանի` որպես տեխնոլոգիական երկրի հեղինակությունը բարձրացնելու ուղղությամբ եւ ցանկալի է, որ այդ գործընթացին մասնակցեն նաեւ գործող ընկերությունները։

Անդրադառնալով կառավարության կողմից տեխնոլոգիական ընկերությունների աճին նպաստելու քաղաքականությանը` նա նշել է, որ լավագույն աջակցությունը բուհերից դուրս եկող կադրերի որակի բարձրացումն է, ինչին կարող է նպաստել կառավարության կողմից մասնավոր ընկերություններ-կրթական հաստատություններ արդյունավետ համագործակցության համակարգումը։

Հանդիպման ընթացքում քննարկվել է նաեւ 2019թ. Հայաստանում անցկացվելիք WCIT 2019-ին Siemens AG ընկերության գլխավոր տնօրեն Ջո Կայզերի մասնակցության հնարավորությունը:

Ամերիկյան Mentor Graphics կորպորացիան աշխարհի առաջատարներից է՝ էլեկտրոնիկայի եւ ծրագրային ապահովման լուծումների ուղղությամբ: 2016թ. Siemens AG ընկերությունը գնել է Mentor Graphics-ը, սակայն ընկերությունը շարունակում է պրոդուկտները ներկայացնել իր անվանումով ու բրենդով։

 

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo