Երեւանում կկայանա «Գիտության եւ տեխնոլոգիաների մերձեցում» գիտաժողովը

Հոկտեմբերի 12-13-ը ՀՀ Գիտությունների ազգային ակադեմիայում տեղի կունենա «Գիտության եւ տեխնոլոգիաների մերձեցում» գիտաժողովը։

Այն կազմակերպվում է ՀՀ ԳԱԱ Ինֆորմատիկայի եւ ավտոմատացման պրոբլեմների ինստիտուտի կողմից:

Գիտաժողովին կմասնակցեն տարբեր ոլորտներում առաջատար տեխնոլոգիաներով զբաղվող գիտահետազոտողներ եւ ինժեներներ։

Մանրամասներին կարելի է ծանոթանալ այստեղ։

Կազմակերպիչների խոսքով, գիտաժողովում խրախուսվելու է գիտության եւ ՏՏ ոլորտի համագործակցությունը: Զուգահեռաբար անցկացվելու են նիստեր վեց ոլորտներում` քվանտային հաշվարկներ, մեքենայական ուսուցում, միկրոէլեկտրոնիկա, կիբեր անվտանգություն, համակարգչային տեսունակություն, վերականգնվող էներգետիկա։

Գիտաժողովին աջակցում է Եվրոպական միությունը` «Աջակցություն ՓՄՁ զարգացմանը Հայաստանում» ծրագրի (EU-SMEDA) միջոցով, «SmartGateVC»-ի, ՀՀ Գիտությունների ազգային ակադեմիայի, Ինֆորմատիկայի եւ ավտոմատացման պրոբլեմների ինստիտուտի (ԻԱՊԻ), ՀՀ ԿԳՆ Գիտության կոմիտեի, Ձեռնարկությունների ինկուբատոր հիմնադրամի, Հայաստանի երիտասարդական հիմնադրամի եւ DISQO ՍՊԸ-ի հետ համատեղ: