Beeline-ում մեկնարկել է հերթական Հաճախորդի օրը, որի շրջանակում ընկերության ղեկավար կազմն ու տարբեր բաժինների աշխատակիցները 3 օրվա ընթացքում այցելում են վաճառքի եւ սպասարկման գրասենյակներ՝ հաճախորդների հետ շփվելու համար։
Պարբերաբար անցկացվող այս միջոցառման նպատակն է հետադարձ կապ ստանալ հաճախորդներից, լսել նրանց կարծիքներն ու առաջարկությունները։ Այս անգամ Beeline-ի 74 աշխատակիցները կայցելեն 49 վաճառքի եւ սպասարկման գրասենյակ՝ Երեւանում եւ մարզերում։
Մասնավորապես, այս հաճախորդի օրվա նպատակներից է հետադարձ կապ ստանալ Back to school աշնանային ակցիայի, ինչպես նաեւ սմարթֆոնների տարաժամկետ վաճառքի պայմանների վերաբերյալ, որոնք տրամադրվում են «Սմարթ» սակագնային փաթեթների հետ միասին։
«Beeline-ում Հաճախորդի օրը դարձել է մշակույթի մաս, ինչպես նաեւ «Հաճախորդի ձայն» մեր մյուս նախագիծը, որի շրջանակում տարբեր բաժինների աշխատակիցները զանգահարում են բաժանորդներին նրանց խնդիրները եւ կարծիքները լսելու համար։ Սրանք շատ կարեւոր նախագծեր են, որոնք մեզ օգնում են միշտ հիշել, թե ում եւ ինչի համար ենք մենք ամեն օր գալիս աշխատանքի։ Մեր գլխավոր նպատակը հաճախորդներին որակյալ, պարզ եւ հարմար ծառայություններ մատուցելն է», - նշել է Հայաստանում Beeline-ի գլխավոր տնօրեն Անդրեյ Պյատախինը:
Հաճախորդի օրը Beeline-ում անցկացվում է յուրաքանչյուր եռամսյակը մեկ, բացի այդ հետադարձ կապի հավաքագրման համար ընկերությունը հաճախորդներին առաջարկում է գնահատականներ դնել գրասենյակներ կամ հաճախորդների սպասարկման կենտրոն դիմելուց հետո։ Նշենք, որ անցած տարվա ընթացքում Beeline-ում ստացվել եւ մշակվել է ավելի քան 150 000 պատասխանի արդյունք:
16:07 | 20.09.18 |
Նորություններ
Հակոբ Արշակյանն այցելել է Zangi-ի գրասենյակ
