-
Նաիրա Հովակիմյանը
11:28 | 17.09.18 | Նորություններ | 7875
Նաիրա Հովակիմյանի նախագիծը «կմիավորի» ավտոմեքենաները եւ դրոնները
Իլինոյսի համալսարանի Խելացի ռոբոտատեխնիկայի լաբորատորիայի տնօրեն Նաիրա Հովակիմյանի գլխավորած 6 հոգանոց թիմն աշխատում է մի հետազոտության վրա, որը հնարավորություն կտա ուղեւորափոխադրում իրականացնող ավտոմեքենաներին եւ դրոններին միավորվել՝ փաթեթների առաքման գործընթացում:
Նախագծում ընդգրկված են Սթենֆորդի, Իլինոյսի եւ Հարավային Կարոլինայի համալսարանները:
11:56 | 05.06.17 |
Նաիրա Հովակիմյան. Հայաստանյան ՏՏ-ին հայտնի անուններ են պակասում
ԱՄՆ Գիտության ազգային հիմնադրամից $1.5 մլն ֆինանսավորում ստացած հետազոտությունը պարզելու է, թե արդյոք դրոններն ու արդեն գոյություն ունեցող ուղեւորափոխադրում իրականացնող ավտոմեքենաներն ի զորու են «համագործակցել» եւ տրամադրել փաթեթների առաքման միասնական ծառայություն:
«Դրոնն առաքման կենտրոնից կարող է վերցնել փաթեթը, հանդիպել Uber-ի կամ ուղեւոր տեղափոխող այլ տիպի մեքենայի եւ մագնիսի օգնությամբ փակցնել փաթեթը մեքենային: Մեկ այլ դրոն, որը մոտ է վերջնական կետին, կվերցնի փաթեթը եւ այն կհասցնի պատվիրատուի դռան մոտ»,- նշվում է նախագծի նկարագրությունում:
15:35 | 15.11.17 |
«Գրանատուս Վենչուրս»-ը ներդրում է կատարել IntelinAir-ում
«Օգտվելով արդեն գոյություն ունեցող ցանցի առավելություններից, մենք գործ ունենք բարդ մաթեմատիկական խնդրի հետ, որը ճիշտ լուծելու դեպքում կարող ենք հասնել նրան, որ փաթեթների առաքման ծախսերը մի քանի անգամ նվազեն: Ապագայում վարորդը կարող է հավելյալ գումար աշխատել՝ համաձայնություն տալով, որ դրոնը փաթեթը փակցնի իր մեքենայի վրա: Միեւնույն է՝ մեքենան այդ նույն երթուղով գնալու է»,- ընդգծել է Նաիրա Հովակիմյանը:
Սկզբնական շրջանում առաքվող փաթեթները կլինեն թեթեւ՝ կշռելով 5-10 ֆունտ: Հետագայում դրանք կծանրանան:
Նաիրա Հովակիմյանը հավելել է, որ նախագծի զարգացման հետագա փուլերում պատրաստվում են աշխատել խոշոր ընկերությունների հետ:
