Դավիթ Յան

ABBYY

ABBYY համակարգչային ծրագրերի ընկերության հիմնադիր, Lingvo էլ. բառարանի ստեղծող

Պիեռ Հեննես

Granatus Ventures

«Գրանատուս Վենչուրս» ընկերության համահիմնադիր եւ կառավարող գործընկեր

Կարեն Վարդանյան

Union of Information Technology Enterprises

ԻՏՁՄ գործադիր տնօրեն

Նինա Աչաջյան

HIVE

HIVE ներդրումային հիմնադրամի հիմնադիր

PicsArt

Lուսանկարների խմբագրման համակարգ

Pixomatic

Սմարթ ֆոտոխմբագրիչ

Eye Care Plus

Ստուգել եւ մարզել տեսողությունը

Be Armenian

Հայկական թեմաներով հայալեզու ֆոներ եւ բացիկներ

LiveBoard

Ինտերակտիվ գրատախտակ՝ նկարելու եւ զրուցելու համար

Dinebook

Նախապես տեղ ամրագրել ժամանցի վայրերում

Mathuk

Մաթեմատիկա սովորեցնող օնլայն համակարգ

Yerevan Events

Մշակութային և ժամանցային միջոցառումների ուղեցույց

ՎիվաՍել-ՄՏՍ. Չենք իրականացնում հեռախոսային խոսակցությունների գաղտնալսում

ՎիվաՍել-ՄՏՍ-ը հայտարարել է, որ չի իրականացրել եւ չի իրականացնում հեռախոսային խոսակցությունների գաղտնալսում, «ինչի իրավասությունն ու տեխնիկական հնարավորությունը չունի»:

Ընկերությունում նշել են, որ իրենց բազային կայանները, կոմուտացիոն եւ ծրագրային ապահովման համակարգերը չեն նախատեսում տեխնիկական հնարավորություն` բաժանորդների միջեւ կատարվող զանգերի կամ կարճ հաղորդագրությունների բովանդակության պահմանման, խոսակցությունների գաղտնալսման համար:

«Խոսակցությունների գաղտնալսում կարող են իրականացվել միայն հատուկ ծառայությունների համար նախատեսված հատուկ սարքավորումների եւ ծրագրային ապահովման միջոցով, որոնց մուտք գործելու տեխնիկական հնարավորություն ՎիվաՍել-ՄՏՍ-ը երբեւէ չի ունեցել»,- նշել են ընկերությունում:

ՎիվաՍել-ՄՏՍ-ում տեղեկացրել են, որ ընկերության ցանցը լիովին պաշտպանված է կոդավորման (encryption) միջազգային ստանդարտներին համապատասխանող հատուկ համակարգով, եւ առանց հատուկ տեխնիկական միջոցների գործադրման ու միջամտության, ապակոդավորում եւ բաժանորդների միջեւ ընթացող խոսակցության գաղտնալսում տեղի ունենալ չի կարող:

«Գաղտնալսման մեղադրանքները բացարձակապես անհիմն են ոչ միայն այն պատճառով, որ ՀՀ օրենսդրության համաձայն՝ շարժական կապի օպերատորները իրավունք չունեն գաղտնալսել իրենց բաժանորդների խոսակցությունները, այլեւ այն պարզ պատճառով, որ ՎիվաՍել-ՄՏՍ-ի համար նման գաղտնալսումների իրականացումը ենթադրելու էր հսկայական ծավալների տեղեկատվության պահպանման համար համապատասխան սարքավորումների ձեռքբերման եւ սպասարկման հետ կապված շարունակական ծախսեր, ինչը բացարձակապես չէր կարող հետապնդել որեւէ առեւտրային նպատակ ընկերության համար եւ ինքնին հանդիսանալու էր չհիմնավորված ծախս»,- տեղեկացրել են ընկերությունում:

ՎիվաՍել-ՄՏՍ-ում հավելել են, որ ընկերության տեղեկատվական անվտանգության կառավարման համակարգը համապատասխանում է ISO/IEC 27001:2013 միջազգային ստանդարտի բոլոր պահանջներին:

««ՄՏՍ Հայաստան» ՓԲԸ-ն պահպանում է ընկերության՝ ֆիզիկական եւ էլեկտրոնային տեղեկատվական ակտիվների հասանելիությունը, գաղտնիությունը եւ ամբողջականությունը՝ իր հաճախորդների անհատական տվյալները պաշտպանելու եւ ընկերության հեղինակությունը պահպանելու նպատակով»:

Հիշեցնենք, որ օրերս համացանցում հայտնվել էր ԱԱԾ տնօրեն Արթուր Վանեցյանի եւ ՀՔԾ պետ Սասուն Խաչատրյանի մասնակցությամբ ձայնագրություն: Ավելի ուշ լրագրողների հետ զրույցում Արթուր Վանեցյանը հայտարարել էր, որ օգտվում է ՎիվաՍել-ՄՏՍ-ի ծառայություններից:

 

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo