Վաղը Երեւանում կանցկացվի ClimateLaunchpad «կանաչ» բիզնես գաղափարների մրցույթի ազգային եզրափակիչը, որին կմասնակցի 10 թիմ:
Լավագույն երեք թիմերը կմասնակցեն նոյեմբերի 1-ից 2-ը Էդինբուրգում (Շոտլանդիա) կայանալիք մեծ եզրափակչին: Մեծ եզրափակչի լավագույն երեք ստարտափ գաղափարները կստանան համապատասխանաբար €10,000, €5,000 եւ €2,500 պարգեւներ:
ClimateLaunchpad-ն աշխարհում մաքուր եւ կանաչ տեխնոլոգիաների ոլորտի բիզնես գաղափարների ամենամեծ մրցույթն է, որն իրականացվում է ավելի քան 40 երկրներում: Մրցույթին մասնակցում են կլիմայի փոփոխություններին եւ մաքուր տեխնոլոգիաներին ուղղված նորարարական գաղափարներ ունեցող թիմեր:
Հայաստանում մրցույթն իրականացվում է Նորարարությունների եւ տեխնոլոգիաների եվրոպական ինստիտուտի կողմից ստեղծված՝ Climate KIC կրթական-նորարարական համայնքի ClimateLaunchpad ծրագրի եւ «Նյու Թեքնոլոջի Էդուքեյշն Ֆոնդ» հիմնադրամի համագործակցության շրջանակում:
14:23 | 11.09.18 |
Նորություններ
Ucom-ը ներկայացրել է «uKid` մանկական խելացի ժամացույցը
11:15 | 11.09.18 |
Նորություններ
Ռոբոտների հայաստանյան առաջնությունը՝ սեպտեմբերի 16-ին
