Րաֆֆի Գրիգորյան

U.S. Democratic National Committee

ԱՄՆ դեմոկրատական կուսակցության ազգային հանձնաժողովի գլխավոր տեխնոլոգիական տնօրեն (CTO)

Նինա Աչաջյան

HIVE

HIVE ներդրումային հիմնադրամի հիմնադիր

Արտաշես Վարդանյան

Microsoft Innovation Center

Մայքրոսոֆթ ինովացիոն կենտրոնի տնօրեն

Դավիթ Յան

ABBYY

ABBYY համակարգչային ծրագրերի ընկերության հիմնադիր, Lingvo էլ. բառարանի ստեղծող

Paqqy

Ճամփորդի միջոցով փաթեթի ուղարկում եւ ստացում

Share4Car

Օնլայն AutoStop-ը միավորում է նույն ճանապարհով երթեւեկողներին

Mobitaxi

Օնլայն տաքսի ծառայություն

ARLOOPA

Վիրտուալ եւ լրացված իրականություն

Yerevan Events

Մշակութային և ժամանցային միջոցառումների ուղեցույց

gg

Ավտոմեքենա պատվիրելու օնլայն համակարգ

Velopark

Հեծանվային կայանատեղիների, սպասարկման կետերի որոնում

360 Stories

Հայաստանի տեսարժան վայրերը՝ 360 աստիճանով

Նիք Սպանոս. Հայաստանի հաջորդ հեղափոխությունը բլոկչեյնով ընտրություններն են

Blockchain Technologies Corporation-ի գործադիր տնօրեն Նիք Սպանոսն օգոստոսին վերադարձել էր Երեւան՝ ՀՀ կառավարության ներկայացուցիչներին առաջիկա ընտրությունները բլոկչեյն տեխնոլոգիայով անցկացնելու վերաբերյալ խորհուրդներ տալու նպատակով:

Սպանոսը, որն ընտրական գործընթացների 35 եւ բլոկչեյնի ու թվային արժույթների ոլորտում 8 տարվա փորձ ունի, առաջին անգամ Հայաստան էր այցելել հունվարին, որի ընթացքում հանդիպել էր ուսանողների եւ պատգամավորների հետ: Այցի արդյունքներով ոգեւորված՝ նա Հայաստանում իր ընկերության մասնաճյուղը բացելու որոշում էր կայացրել:

Itel.am-ի հետ բացառիկ զրույցում Նիք Սպանոսը պատմել է, որ այս անգամ Հայաստան կոնկրետ առաջարկով է ժամանել:

«Ուրախ եմ վերադառնալ հաղթանակած երիտասարդ հեղափոխականների երկիր: Սկզբում Հայաստանն աշխարհին հայտնի դարձավ խաղաղ, թավշյա հեղափոխությամբ: Հայաստանի երկրորդ հեղափոխությունը պետք է լինի ավանդական քվեաթերթիկներով եւ բլոկչեյնով ընտրական գործընթացի անցկացման հեղափոխությունը»,- նշել է նա:


Սպանոսին է պատկանում ԱՄՆ-ում եւ արտերկրում բլոկչեյնով ընտրական գործընթացի իրականացման առաջին պատենտը: Նրա VoteWatcher/VoteUnits տեխնոլոգիան 2014-ից օգտագործվում է Նյու Յորքում եւ Տեխասում կուսակցական հավաքների, նահանգային ընտրությունների կազմակերպման, ինչպես նաեւ նախագահական ընտրություններում ոչ պաշտոնական հարցումների ժամանակ:

Սպանոսը VoteWatcher/VoteUnits-ը նկարագրում է որպես բլոկչեյնի վրա հիմնված ամբողջովին թափանցիկ համակարգ, որն օգտագործում է բլոկչեյն տեխնոլոգիաների վրա հիմնված քվեաթերթիկ սքանավորող մեքենաները: Սա թույլ է տալիս հաշվարկել քվեների թիվը եւ հասնել ընտրության վերջնական արդյունքի անփոփոխելիությանը:

Նիք Սպանոսի խոսքով՝ թղթե քվեաթերթիկները կարեւոր են, քանի որ յուրաքանչյուր մարդու հնարավորություն են տալիս վստահել եւ հասկանալ, թե ինչպես են իրենց ձայները հաշվվում: Միաժամանակ, նա ընդգծել է, որ ընտրությունների արդյունքները բլոկչեյնի միջոցով արձանագրելը պահպանում է յուրաքանչյուր քվեի անփոփոխելիությունը:

Պատենտի նկարագրության համաձայն ՝ քվեները ստացվում են բարկոդ սքաներով կամ քվեարկելու համակարգով եւ անվտանգ պահպանված են մասնավոր շղթաներում: Յուրաքանչյուր թեկնածուի արդյունքը թարմացվում է ըստ նոր քվեների եւ պահեստավորվում՝ ստեղծելով վերահսկելի ձայների անփոփոխելիության շղթա, որը կանխարգելում է ընտրակեղծիքները եւ հնարավոր սխալները՝ քվեների հաշվարկման գործընթացում:

«Թափանցիկության այս հեղափոխությունը մուտք է դեպի նոր դարաշրջան, որտեղ բլոկչեյն տեխնոլոգիաները քաղաքացիներին տալիս են իրենց կառավարություններին հաշվետու պահելու գործիքներ»,- եզրափակել է Նիք Սպանոսը:

Նիք Սպանոսի հետ զրուցել է Նարինե Դանեղյանը 

 

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo