10:38 | 15.05.14 | Նորություններ | 1523
«Թանգարանների գիշերվա» «սելֆիները» հասանելի կլինեն ողջ Եվրոպային
«Թանգարանների գիշեր» միջոցառման տասնամյակի կապակցությամբ մայիսի 17-ին Հայաստանի մի շարք թանգարաններում արված «սելֆիները» հնարավոր կլինի տարածել ողջ Եվրոպայով:
«Գեղադիտակ» (Kaleidoscope) թվային ծրագիրը ստեղծվել է «Թանգարանների գիշեր» միջոցառման համար: Այն հնարավորություն է տալիս մայիսի 17-ին տեսնել Եվրոպայի տարբեր թանգարաններում արված այցելուների «սելֆիները»
Թանգարանների այցելուները կարող են լուսանկարվել իրենց նախընտրելի արվեստի ֆոնին` ավելացնելով թանգարանի անվանումն ու վայրը եւ ուղարկել այն MobilActif հավելվածի միջոցով:
Ծրագրին մասնակցելու համար, բջջային հեռախոսում անհրաժեշտ է ներբեռնել MobilActif (App Store Android Market) հավելվածը`մայիսի 17-ին ակտիվացնելով NDM14 գաղտնաբառը:
Հավելվածը կարելի է ներբեռնել հետեւյալ հղումներով`
https://itunes.apple.com/fr/app/mobilactif/id721606706?mt=8
http://android.m.brothersoft.com/mobilactif-639913.html
Այստեղ կարելի է ծանոթանալ «Թանգարանային սելֆի»-ի մասին պատմող հոլովակին:
