17:17 | 07.06.17 | Նորություններ | 4897
ՀՀ-ն «մեծ պատասխանատվությամբ կպատրաստվի» 2019թ. ՏՏ համաժողովին
Տեղեկատվական տեխնոլոգիաների եւ ծառայությունների համաշխարհային ալյանսի նախագահ Իվոն Չիուն այսօր հայտարարել է, որ 2019թ. Հայաստանում ՏՏ համաշխարհային համաժողովը կանցկացվի «Թվային դարաշրջանի խոստումը պահելը» խորագրի ներքո:
Այս մասին նա տեղեկացրել է ՀՀ վարչապետ Կարեն Կարապետյանի հետ այսօր կայացած հանդիպման ժամանակ՝ հույս հայտնելով, որ համաժողովը նոր թափ կհաղորդի Հայաստանում ՏՏ ոլորտի առաջընթացին:
Վարչապետն էլ ընդգծել է, որ ՀՀ կառավարությունը կներդնի բոլոր ջանքերը՝ համաժողովը բարձր մակարդակով կազմակերպելու համար:
«Վստահ ենք, որ համաժողովի անցկացումը կխթանի Հայաստանում ՏՏ ոլորտի զարգացումը եւ նոր լիցք կհաղորդի առկա ներուժի իրացմանը: Մենք մեծ պատասխանատվությամբ կպատրաստվենք 2019թ. միջոցառմանը»,- ասել է Կարեն Կարապետյանը:
Կառավարության ղեկավարը հավելել է, որ ՏՏ ոլորտը կառավարության ուշադրության կենտրոնում է, այս բնագավառում տարեկան արձանագրվում է 20-25 տոկոսի տնտեսական աճ, սակայն, վարչապետի համոզմամբ, զարգացման ներուժը շատ ավելի մեծ է:
![](https://itel.am/datas/znews/big_[{"basename":"13443140_1136706586404309_1791487447667769264_o.jpg","link":"\/2017\/06\/07\/5937e4f32f1d54.88758770.jpg","description":{"am":{"label":"","author":"ԴիջիԹեք բիզնես ֆորում"},"ru":{"label":"","author":""},"en":{"label":"","author":""}},"show_in_text_place":"","hide_from_gallery":"on","sort_order":"0"}])
15:34 | 07.06.17 |
Նորություններ
ԴիջիԹեք-ում կքննարկվի ՀՀ-ում արհեստական բանականության տեսլականը
