17:50 | 27.04.17 | Հոդվածներ | exclusive 175357
Հայաստանում գործող KEID ստարտափը մշակում է աշխարհում առաջին ինտերակտիվ կուլոնը, որը հնարավորություն է տալիս կուլոնի վրա նկարներ եւ gif-եր ներբեռնել սմարթֆոնից:
Itel.am-ի հետ զրույցում ստարտափի հիմնադիր Հրանտ Սարգսյանը տեղեկացրել է, որ այսօրվանից crowdfunding արշավ են սկսում Indiegogo հարթակում:
Indiegogo-ում կարելի է նախապես գումար նվիրաբերել եւ արտադրության մեկնարկին ստանալ նախապես գնված կուլոնը:
«Շուրջ մեկ տարի է՝ աշխատում ենք նախագծի վրա եւ արդեն պատրաստ ենք արտադրություն սկսել: Գաղափարն ինձ մոտ առաջացել է անցած տարվա ամռանը, եւ հենց այդ ժամանակ էլ որոշեցի այն իրագործել: Միշտ երազել եմ ինչ-որ նորարար բան ստեղծելու մասին, քայլելիս հետեւում էի մարդկանց աքսեսուարներին՝ հասկանալու համար, թե որտեղ կարելի է ինովացիա կիրառել: Փողոցում նկատեցի, որ բոլորը կրում էին կուլոններ, որոնք ստատիկ են, եւ գաղափար առաջացավ փոխել դա»,- նշել է Հրանտ Սարգսյանը:
KEID-ի հիմնադրի խոսքով՝ նախատեսում են մինչեւ հուլիս Indiegogo-ում հավաքել $20 հազ., եւ այդ գումարով սկսել կուլոնների զանգվածային արտադրություն:
«Հայաստանում զրոյից հնարավոր չէ սարքի բաղադրիչները պատրաստել, սակայն հարմար տարբերակ է դրանք ներկրել Չինաստանից եւ այստեղ հավաքել»,- մանրամասնել է Հրանտ Սարգսյանը:
Անդրադառնալով ստարտափի անվանմանը՝ նա պարզաբանել է, որ KEID-ը աստղային համակարգի անուն է:
Նարինե Դանեղյան
10:33 | 18.09.24 | Հոդվածներ
Ucom-ը ներսից. Երեւակայությունը, շուկայի զարկերակն ու պրոդուկտների թիմը
10:30 | 19.08.24 | Հոդվածներ
Zenbook S 16. ASUS-ի նորույթն՝ արհեստական բանականության գործառույթներով