Հայաստանում հիմնադրված՝ մարդկային ռեսուրսների կառավարումը դյուրացնող համակարգ մշակած Teamable ընկերությունը հայտարարել է True Ventures-ի ղեկավարությամբ $5 մլն ներդրում ստանալու մասին:
Ընկերության հիմնադիր եւ գործադիր տնօրեն Լաուրա Բիլազարյանը հայտարարել է, որ ստացված ներդրումն օգտագործվելու է Teamable-ի տվյալների շարժիչը կատարելագործելու (data engine), ալգորիթմները բարելավելու եւ վաճառքների ու մարքեթինգի ավելի մեծ թիմ հավաքագրելու նպատակով:
Teamable-ի ծրագրային ապահովումներն օգնում են ընկերություններին որակյալ թիմ կազմել եւ կառավարել արդեն առկա մարդկային ռեսուրսները: Ընկերությունն օգտագործում է արհեստական բանականության ալգորիթմներ՝ գործատուին առաջարկելով հարմար թեկնածուներ՝ հիմնված պահանջների, փորձառության եւ այլ գործոնների վրա:
Ներկայում Teamable-ն ունի ավելի քան 50 հաճախորդ, այդ թվում՝ Lyft-ը, Stripe-ը եւ Baidu-ն:
2013թ. հիմնված ընկերությունը գրասենյակներ ունի Սան Ֆրանցիսկոյում եւ Երեւանում:
Teamable ընկերության համահիմնադիր Վազգեն Հակոբջանյանի հետ Itel.am-ի զրույցը կարող եք կարդալ այստեղ:
10:33 | 18.09.24 | Հոդվածներ
Ucom-ը ներսից. Երեւակայությունը, շուկայի զարկերակն ու պրոդուկտների թիմը
10:30 | 19.08.24 | Հոդվածներ
Zenbook S 16. ASUS-ի նորույթն՝ արհեստական բանականության գործառույթներով