ՀՀ վարչապետ Կարեն Կարապետյանն այսօր Եվրասիական տնտեսական միության անդամ պետությունների ՏՏ ոլորտի ղեկավարների հետ հանդիպման ժամանակ համոզմունք է հայտնել, որ նրանց մասնակցությունը Հայաստանում ընթացող աշխատաժողովին նոր խթան կհաղորդի համագործակցությանը:
«Մենք համատեղ ստեղծել ենք լավ ներուժ ունեցող ակումբ եւ կարեւորում ենք ԵԱՏՄ շրջանակում տեղեկատվական տեխնոլոգիաների ու թվայնացման ոլորտում համաձայնեցված քաղաքականության իրականացումը»,- հայտարարել է Կարեն Կարապետյանը:
ԵԱՏՄ պատվիրակությունը Հայաստան է ժամանել ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանի նախաձեռնությամբ կազմակերպված աշխատաժողովին մասնակցելու նպատակով:
ԵԱՏՄ անդամ երկրների ՏՏ ոլորտի ղեկավարները ընդգծել են, որ նման աշխատանքային հանդիպումները լավ հարթակ են՝ ոլորտին վերաբերող հարցերը քննարկելու համար:
Նրանք նաեւ տեղեկացրել են, որ աշխատաժողովի շրջանակում նախատեսվում է անդրադառնալ թվայնացման եւ ՏՏ բնագավառում փոխգործակցության օրակարգին, ինչպես նաեւ յուրաքանչյուր անդամ երկրում համակարգման մարմնի ստեղծմանը վերաբերող հարցերին:
16:38 | 24.03.17 |
Նորություններ
Վարչապետը հյուրընկալվել է PicsArt-ի գրասենյակում
16:32 | 24.03.17 |
Նորություններ
ՎիվաՍել-ՄՏՍ-ը ծառատունկ է իրականացրել Ուրցաձորում
