Ամերիկահայ վենչուրային կապիտալիստ, գիտնական ու բարերար Նուբար Աֆեյանը քննադատել է ԱՄՆ նորընտիր նախագահ Դոնալդ Թրամփի՝ միգրանտներին վերաբերող վերջին աղմկահարույց որոշումը, որի համաձայն՝ 90 օրով արգելվել է Սիրիայի, Իրանի, Իրաքի, Լիբիայի, Սոմալիի, Սուդանի եւ Եմենի քաղաքացիների մուտքը ԱՄՆ, ինչպես նաեւ 120 օրով` փախստականների ընդունումը ցանկացած երկրից:
Flagship Ventures ընկերության միջոցով Moderna Therapeutics եւ 37 այլ ընկերությունների համահիմնադիր Նուբար Աֆեյանի կարծիքով՝ ճանապարհորդելու արգելքն էթիկական, բարոյական եւ հնարավոր օրենսդրական խնդիրներ է առաջացնում:
«Որոշումը հետընթաց է այն արժեքների նկատմամբ, որոնք օգնել են ԱՄՆ-ին դառնալ առաջատար բիոտեխնոլոգիաների ոլորտում՝ նորարարություն, ձեռներեցություն, հնարավորություն եւ արդարություն: Ինչպես բոլորը գիտեն, Apple-ի համահիմնադիր Սթիվ Ջոբսը սիրիացի միգրանտ Աբդուլֆաթթահ Ջանդալի բիոլոգիական որդին էր: Նրան մեծացրել է իրեն որդեգրած մայրը՝ Կլարան, որն էթնիկ հայ էր, որի ծնողները փրկվել էին Օսմանյան Թուրքիայից եւ գաղթել ԱՄՆ: Փախստականների ստուգման ներկայիս գործընթացը լայնածավալ է, եւ որեւէ վկայություն չի ներկայացվել, որ նախկինում ԱՄՆ մուտք գործած միգրանտները վտանգ են ներկայացրել: Մեր երկիրը Իրաք է մեկնել պատերազմելու՝ համոզված լինելով, որ իրական վտանգ է սպառնում, սակայն հետագայում պարզվեց, որ դա սխալ էր: Մենք կարիք ունենք հասկանալու այս աննախադեպ իրավիճակի եւ անսպասելի քայլերի իրական հիմքերը, որպեսզի խուսափենք մեր սխալները կրկնելուց»,- ասել է Նուբար Աֆեյանը:
Նուբար Աֆեյանը շեշտել է, որ հրահանգը կանխում է նաեւ Green Card ունեցողների մուտքը ԱՄՆ-ը, ինչի արդյունքում խախտվում են այդ մարդկանց իրավունքները «խտրականության դրսեւորման ճանապարհով եւ դա անօրինական է»:
Նա ընդգծել է, որ բիոտեխնոլոգիաների ոլորտը մեծ չափով հենվում է էմիգրանտների վրա, եւ արգելքները կդանդաղեցնեն նորարարությունն ու առաջընթացն այս ոլորտում:
![](https://itel.am/datas/znews/big_[{"basename":"Photo-2-(Craig-Ruttle,-AP).jpg","link":"\/2017\/01\/31\/58908aba9dca61.49857463.jpg","description":{"am":{"label":"","author":"AP"},"ru":{"label":"","author":"AP"},"en":{"label":"","author":"AP"}},"show_in_text":"on","show_in_text_place":"2","hide_from_gallery":"on","sort_order":"0"},{"basename":"Photo-1-(Lauren-Goode,-The-Verge).jpg","link":"\/2017\/01\/31\/58908abac8cbf8.34715809.jpg","description":{"am":{"label":"","author":"The Verge"},"ru":{"label":"","author":"The Verge"},"en":{"label":"","author":"The Verge"}},"show_in_text":"on","show_in_text_place":"1","hide_from_gallery":"on","sort_order":"1"},{"basename":"TOP-(Peter-Foley,-EPA).jpg","link":"\/2017\/01\/31\/58908abbf25730.63065342.jpg","description":{"am":{"label":"","author":"EPA"},"ru":{"label":"","author":"EPA"},"en":{"label":"","author":"EPA"}},"show_in_text_place":"","hide_from_gallery":"on","sort_order":"2","top":"off"}])
16:58 | 31.01.17 |
Նորություններ
ԱՄՆ տեխնո համայնքը՝ ընդդեմ Թրամփի միգրացիոն արգելքի
![](https://itel.am/datas/znews/big_[{"basename":"TOP.jpg","link":"\/2017\/01\/30\/588ee9ae095866.34188294.jpg","description":{"am":{"label":"","author":" Capture the Flag"},"ru":{"label":"","author":" Capture the Flag"},"en":{"label":"","author":" Capture the Flag"}},"show_in_text_place":"","hide_from_gallery":"on","sort_order":"1","top":"off"}])
11:21 | 30.01.17 |
Նորություններ
ՀՀ-ում առաջին անգամ կանցկացվի համակարգչային անվտանգության մրցույթ
