Նոյեմբերի 10-11-ը կանցկացվի Smarter Armenia ’16 հաքաթոնը

Նոյեմբերի 10-11-ը ISTC Նորարարական լուծումների եւ տեխնոլոգիաների կենտրոնը՝ IBM-ի, Ձեռնարկությունների ինկուբատոր հիմնադրամի (EIF) եւ ԱՄՆ ՄԶԳ-ի հետ համատեղ, կկազմակերպի Smarter Armenia ’16 հաքաթոնը:
 
Միջոցառումը կկայանա Նորարարական լուծումների եւ տեխնոլոգիաների կենտրոնի պաշտոնական բացման արարողության շրջանակում:

ՁԻՀ-ից հայտնել են, որ հաքաթոնի նպատակն է գեներացնել նոր մտքեր եւ նպաստել նորարական լուծումների ստեղծմանը առողջապահության, հեռահաղորդակցության եւ ֆինանսական ոլորտներում, որոնք ուղղված կլինեն Հայաստանն ավելի խելացի դարձնելուն:

Լուծումների ստեղծման համար մասնակիցները չունեն որեւէ տեխնոլոգիական սահմանափակում։ Կլինեն հատուկ մրցանակներ այն թիմերի համար, որոնք կօգտվեն IBM Bluemix ամպային լուծումներից եւ IBM Watson-ից։
 
Հաքաթոնից առաջ՝ նոյեմբերի 4-ին, ISTC թիմերը հնարավորություն կունենան մասնակցելու տեղեկատվական հատուկ հանդիպման, որտեղ կներկայացվեն այն խնդիրները, որոնք մասնակիցները պետք է լուծեն հաքաթոնի ընթացքում:
 
Smarter Armenia ’16 հաքաթոնի անվանակարգերն ու մրցանակներն են՝

-    Լավագույն լուծում հեռահաղորդակցության ոլորտում՝ $1000 մրցանակ «Ռոստելեկոմ»-ի կողմից:
-    Լավագույն լուծում ֆինանսական ոլորտում՝ $1000 մրցանակ Արդշինբանկի կողմից:
-    Լավագույն լուծում առողջապահության ոլորտում՝ $1000 մրցանակ «Ինգո Արմենիա» ապահովագրականի եւ Ձեռնարկությունների ինկուբատոր հիմնադրամի կողմից:
-    Հատուկ մրցանակ IBM BlueMix-ի կիրառմամբ ամենանորարար լուծման համար՝ $500 մրցանակ ISTC-ի կողմից:
-    Հատուկ մրցանակ IBM Watson-ի եւ BlueMix-ի լավագույն կիրառման համար՝ IBM-ի կողմից:

Հաքաթոնին մասնակցելու համար հարկավոր է գրանցվել այստեղ։