Հոկտեմբերի 28-ին Տոկիոյում կայացել է Հայաստանի ՏՏ ոլորտին նվիրված IT's Armenia երկրորդ համաժողովը, որին մասնակցել է ճապոնական 100 ընկերության ներկայացուցիչ:
ՀՀ ԱԳՆ-ում նշել են, որ համաժողովի բացմանը մասնակցել է Ճապոնիայում ՀՀ դեսպան Հրանտ Պողոսյանը, Ճապոնիայի արտաքին առեւտրի կազմակերպության գործադիր փոխնախագահ Կացումի Հիրանոն:
Ելույթներով հանդես են եկել Instigate, VOLO, VMWare, Granatus Ventures, Arminova, IUNetworks, Leviathan ընկերությունների եւ Ինֆորմացիոն տեխնոլոգիաների ձեռնարկությունների միության ներկայացուցիչները: Զեկուցողները ներկայացրել են Հայաստանի ՏՏ ոլորտի առավելությունները՝ առանձնահատուկ ընդգծելով ճապոնական ընկերությունների կողմից Հայաստանում ներդրումային եւ համագործակցության այլ ծրագրերի իրականացման հեռանկարները:
Համաժողովի աշխատանքները եզրափակել են ՀՀ նախագահի համաշխարհային ՏՏ մրցանակի դափնեկիր Ցուգիո Մակիմոտոն եւ Ճապոնիա-Հայաստան գործարար եւ մշակութային նախաձեռնության նախագահ Յասումինե Սատակեն:
10:33 | 18.09.24 | Հոդվածներ
Ucom-ը ներսից. Երեւակայությունը, շուկայի զարկերակն ու պրոդուկտների թիմը
10:30 | 19.08.24 | Հոդվածներ
Zenbook S 16. ASUS-ի նորույթն՝ արհեստական բանականության գործառույթներով