Facebook-ը Android-ի համար փորձարկում է «Հեռախոս» (Phone) անվամբ նոր հավելվածը, որն ունի անցանկալի զանգերը արգելափակելու գործառույթ:
Android Police կայքը հաղորդում է, որ նոր ծրագիրը «ցույց է տալիս զանգահարողի մասին տեղեկատվություն եւ ավտոմատ կերպով արգելափակում է սեւ ցուցակում ներառված զանգերը»:
Հավելվածը դեռ փորձարկման փուլում է եւ հասանելի է միայն Facebook-ի աշխատակիցներին: Թե երբ կհայտնվի այն Google Play-ում, դեռ հայտնի չէ:
VentureBeat հրատարակության հետ զրույցում Facebook-ի ներկայացուցիչները հաստատել են հավելվածի ստեղծման լուրը, սակայն հրաժարվել են մանրամասներ հաղորդել:
«Մենք մշտապես ինչ-որ բան փորձարկում ենք, եւ այս պահին դեռ ներկայացնելու որեւէ բան չունենք»,- նշել են ընկերության մամուլի ծառայությունում:
Android հարթակում ներգրավման Facebook-ի նախորդ փորձը՝ 2013թ. թողարված Facebook Home-ը, անհաջող է ավարտվել: Facebook Phone-ը, ըստ էության, սոցցանցի՝ Android սմարթֆոններում ինտեգրման նոր փորձ է:
16:59 | 20.03.15 |
Նորություններ
Արմավիրում մեկնարկել է Բրիտանական ֆիլմերի 13-րդ փառատոնը
18:38 | 19.03.15 |
Նորություններ
Կոչ Ադրբեջանում՝ հրաժարվել Android եւ iOS համակարգերի բրաուզերներից
